गुहागर आगारात छ. शिवाजी महाराज यांची 396 वी जयंती उत्साहात साजरी
पूजा आवळे चे भाषण लक्षवेधी
आबलोली (संदेश कदम)
गुहागर आगारात प्रथमच सार्वजनिक स्वरूपात छ. शिवाजी महाराज यांची 396 वी जयंती मोठया उत्साहात आणि जल्लोषात साजरी करण्यात आली .या कार्यक्रमात कु. पूजा शिवाजी आवळे या विद्यार्थिनीचे भाषण लक्षवेधी ठरले . गुहागर आगारात दरवर्षी प्रशासकीय जयंती साजरी होते. मात्र यावर्षी प्रथमच सार्वजनिक स्वरूपात छ. शिवाजी महाराज यांची 396 वी जयंती मोठया उत्साहात आणि जल्लोषात साजरी करण्यात आली.यावेळी सर्व प्रथम आगार प्रमुख अशोक चव्हाण यांचे सह गुहागर तालुका प्रवाशी संघटना अध्यक्ष पराग कांबळे व सर्व प्रशासकीय अधिकारी यांचे हस्ते दीप प्रज्वलन करण्यात आले त्या नंतर छ. शिवाजी महाराज यांच्या प्रतिमेचे पूजन , दीप प्रज्वलन करून आगार प्रमुख अशोक चव्हाण यांचे शुभहस्ते छ. शिवाजी महाराज यांच्या प्रतिमेला पुष्पहार अर्पण करण्यात आला. यावेळी प्रवाशी संघटनेचे अध्यक्ष पराग कांबळे आगार प्रमुख अशोक चव्हाण, सहाय्य्क कार्यशाळा अधिकारी मंदार कदम, आगार लेखा कार स्नेहल पालकर,वरिष्ठ लिपिक शंकर केंद्रे, प्रवीण वळंजू, रवी घाग, सुनील पवार, अस्मित चव्हाण, राजा गायकवाड, गणेश वामन, सिद्धेश लाकडे, रविकुमार गायकवाड, दिलीप रिंडे, के .डी. सकपाळ, सुषमा घोंगे ,अश्विनशेठ केशव दांडेगावकर, प्रवीण भांगरे, आर. बी. गायकवाड, रामा पुंड यांचेसह चालक वाहक व प्रवाशी तसेच अधिकारी व कर्मचारी यांचे नातेवाईक यावेळी बहूसंख्येने उपस्थित होते.यावेळी आपल्या प्रास्ताविका मध्ये बोलताना रामा पुंड यांनी छ. शिवाजी महाराज यांच्या कार्याचा गौरव केला तर आगार प्रमुख अशोक चव्हाण यांनी उपस्थितीताना मार्गदर्शन केले कार्यक्रमाचे सूत्रसंचालन रामा पुंड यांनी केले कार्यक्रमामध्ये छ शिवाजी महाराज याने नावाने गगनभेदी घोषणा देण्यात आल्या. यावेळी सर्वांना गुहागर आगाराच्या वतीने मोती चुर बुंदीचे लाडू वाटप करून जयंतीचा गोडवा वाढविण्यासाठी सर्वांनी मेहनत करून कार्यक्रम यशस्वी करण्यात आला.
Author: RV.Ratnagiri Office
रत्नागिरी वार्ताहर डिजिटल बातमी पत्र - एडिटर विभाग
