गोवा विद्यापीठात २४ फेब्रुवारी रोजी “वर्ल्ड ओशियन सायन्स काँग्रेस २०२६” अंतर्गत राष्ट्रीय सागरी मच्छीमार संवाद
गोवा, २४ फेब्रुवारी २०२६:
World Ocean Science Congress (WOSC 2026) अंतर्गत सागरी मच्छीमार, वैज्ञानिक, धोरणकर्ते आणि तंत्रज्ञान तज्ञ यांना एकत्र आणणारा महत्त्वपूर्ण “सागरी मच्छीमार संवाद व संशोधन-ते-अंमलबजावणी” कार्यक्रम २४ फेब्रुवारी २०२६ रोजी Goa University येथे आयोजित करण्यात आला आहे.
या कार्यक्रमात INCOIS, Reliance Foundation, VIBHA तसेच गोवा मत्स्य विभागाचे वरिष्ठ अधिकारी आणि विविध राज्यांतील मच्छीमार प्रतिनिधी सहभागी होणार आहेत.
कार्यक्रमाचे उद्घाटन Nilkanth Halarnkar (मत्स्य, पशुसंवर्धन व पशुवैद्यकीय सेवा मंत्री, गोवा सरकार) यांच्या हस्ते होणार असून, AI-आधारित “माछली ॲपचे”चे उद्घाटन आणि “From Sea Voices to Science Systems – भारताचा राष्ट्रीय सागरी जोखीम गुप्तवार्ता संक्षिप्त अहवाल २०२६” या महत्त्वपूर्ण प्रकाशनाचे अनावरणही यावेळी करण्यात येणार आहे.
या बैठकीत महाराष्ट्र, गोवा, तामिळनाडू, आंध्र प्रदेश, ओडिशा आणि पश्चिम बंगाल येथील मच्छीमार प्रतिनिधींच्या सहभागातून सागरी सुरक्षितता, उपजीविका, तंत्रज्ञान, हवामान जोखीम आणि संशोधन-आधारित उपाययोजनांवर सखोल चर्चा होणार आहे.
सागरी क्षेत्रातील धोरण निर्मिती आणि संशोधनाला प्रत्यक्ष मच्छीमारांच्या अनुभवांची जोड देण्याचा हा एक महत्त्वपूर्ण प्रयत्न मानला जात आहे.
Author: RV.Ratnagiri Office
रत्नागिरी वार्ताहर डिजिटल बातमी पत्र - एडिटर विभाग
