बोरीवली–जयगड बसचा निवेंडी फाट्याजवळ अपघात; सुदैवाने जीवितहानी नाहीजी
रत्नागिरी प्रतिनिधी : निलेश रहाटे
रत्नागिरी : तालुक्यातील निवेंडी फाट्याजवळ आज (दि. १२ जून) सकाळी साडेसहा वाजण्याच्या सुमारास बोरीवली–जयगड (एमएच-२०-बीएल-२९४५) या एसटी बसचा अपघात झाला. रस्त्यावर अचानक आलेल्या गायीला वाचविण्याच्या प्रयत्नात बसचालकाचे वाहनावरील नियंत्रण सुटल्याने बस रस्त्यालगतच्या झाडावर जाऊन आदळली.
चालकाच्या प्रसंगावधानामुळे मोठी दुर्घटना टळली असून अपघाताच्या वेळी बसमध्ये सहा प्रवासी प्रवास करत होते. सुदैवाने कोणालाही गंभीर दुखापत झाली नसून जीवितहानी झालेली नाही.
मात्र झाडावर जोरदार धडक बसल्याने बसच्या पुढील भागाचे तसेच समोरील काचेचे मोठे नुकसान झाले आहे. घटनेची माहिती मिळताच स्थानिक नागरिकांनी घटनास्थळी धाव घेत मदतकार्य केले. अपघातामुळे काही काळ वाहतुकीवर परिणाम झाला होता.
स्थानिकांच्या मदतीने परिस्थिती नियंत्रणात आणण्यात आली असून या घटनेमुळे परिसरात काही काळ चिंतेचे वातावरण निर्माण झाले होते. सुदैवाने कोणतीही जीवितहानी झाली नसल्याने प्रवासी व नागरिकांनी सुटकेचा निश्वास टाकला.x
Author: RV.Ratnagiri Office
रत्नागिरी वार्ताहर डिजिटल बातमी पत्र - एडिटर विभाग
