आंतरराष्ट्रीय महिला दिनानिमित्त अपूर्वा किरण सामंत फाउंडेशनचा विशेष कार्यक्रम
राजापूर – आंतरराष्ट्रीय महिला दिनाचे औचित्य साधून अपूर्वा किरण सामंत फाउंडेशनच्या वतीने महिलांसाठी विशेष मार्गदर्शन शिबिराचे आयोजन करण्यात आले. या शिबिराद्वारे महिला सक्षमीकरण, आर्थिक साक्षरता, स्वयंपूर्णता, उद्योजकतेसाठी प्रेरणा आणि सरकारी तसेच खाजगी अनुदान योजनांची माहिती यांसारख्या महत्त्वपूर्ण विषयांवर मार्गदर्शन करण्यात आले.
या कार्यक्रमाला प्रमुख मार्गदर्शक म्हणून सौ. नीलम पालव यांनी उपस्थित राहून महिलांना प्रेरणादायी मार्गदर्शन केले. कार्यक्रमात तहसीलदार श्री. विकास गंभरे, पोलीस उपनिरीक्षक श्री. उबाळे, गटविकास अधिकारी श्री. निलेश जगताप, तालुका अभियान व्यवस्थापक सौ. अर्चना भंडारी (MSRLM), अॅड. यशवंत कावतकर, सौ. दुर्वा तावडे, श्री. प्रकाश कोळेकर आणि श्री. भरत लाड यांसह अनेक मान्यवर उपस्थित होते.
महिला सबलीकरणासाठी महत्त्वाचे पाऊल
अपुर्वा सामंत या आमदार भैय्या सामंत यांच्या निवडणुकीत महत्त्वपूर्ण भूमिका बजावणाऱ्या नेत्यांपैकी एक असून, राजापूर-लांजा-साखरपा मतदारसंघाच्या विकासासाठी विशेष योजना राबवण्याचा निर्धार त्यांनी केला आहे. त्यांच्या अपूर्वा किरण सामंत फाउंडेशनच्या माध्यमातून महिला सक्षमीकरणासोबतच पर्यावरण संरक्षण, समाज प्रबोधन, वैद्यकीय सेवा, गरजूंची मदत, कृषी विकास, रोजगार संधी आणि पर्यटन विकास यांसारख्या विविध उपक्रमांची अंमलबजावणी केली जाणार आहे.
या कार्यक्रमात उपस्थित महिलांनी अपूर्वा किरण सामंत फाउंडेशनच्या पुढाकाराचे कौतुक केले असून, भविष्यात असे उपक्रम अधिकाधिक प्रमाणात राबवावेत, अशी अपेक्षा व्यक्त केली.
Author: Sujit Surve.
⭕ सुजित सुर्वे -प्रतिनिधी - रत्नागिरी वार्ताहर डिजिटल बातमी पत्र ⭕ ⭕ पडवे - गुहागर. 415613 ⭕
