श्री. हनुमान जयंतीनिमित्त कोतळूक उमदेवाडी येथे ११ व १२ एप्रिलला विविध कार्यक्रमांचे आयोजन
उमदेवाडी ग्रामस्थ व उत्कर्ष महिला मंडळाचा संयुक्त स्तुत्य उपक्रम; धार्मिक विधी, कीर्तन, नाट्यप्रयोग, पालखी मिरवणूक आणि नमनाचा समावेश
आबलोली | प्रतिनिधी – संदेश कदम
गुहागर तालुक्यातील कोतळूक उमदेवाडी येथील श्री. हनुमंत मंदिरात ११ व १२ एप्रिल रोजी श्री. हनुमान जयंतीनिमित्त विविध धार्मिक व सांस्कृतिक कार्यक्रमांचे आयोजन करण्यात आले आहे. उमदेवाडी ग्रामस्थ मंडळ व उत्कर्ष महिला मंडळ यांच्या संयुक्त विद्यमाने या उपक्रमाचे आयोजन करण्यात आले असून, गावकरी व पंचक्रोशीतील नागरिकांसाठी ही पर्वणी ठरणार आहे.
११ एप्रिलचा कार्यक्रम पुढीलप्रमाणे आहे:
सकाळी श्री. हनुमंत अभिषेक, श्री सत्यनारायण महापूजा व स्थानिक भजनाचा कार्यक्रम होईल. दुपारी ३ ते ५ महिलांसाठी हळदीकुंकूचे आयोजन आहे. रात्री ८.३० वा. अंजनीमाता महिला मंडळ कोतळूक उमदेवाडी यांचे भजन होईल. त्यानंतर रात्री १०.३० वा. दशरथ राणे लिखित आणि दिनेश बागकर दिग्दर्शित “यंदा कर्तव्य आहे” हे दोन अंकी विनोदी नाटक श्री. हनुमान नाट्यमंडळाच्या स्थानिक कलाकारांकडून सादर केले जाईल.
१२ एप्रिलचा कार्यक्रम:
शनिवारी पहाटे ५.३० वा. भजन, ६.२५ वा. श्रींचा जन्मसोहळा, दुपारी १.३० वा. ह.भ.प. श्री. पद्माकर नारायण जोशी (वरवडे, रत्नागिरी) यांचे कीर्तन, सायंकाळी ५ वा. श्रींची पालखीतून सवाद्य मिरवणूक आणि रात्री ९.४५ वा. गुणवंतांचा सत्कार होणार आहे. रात्री १०.३० वा. केदारलिंग नाट्यनमन मंडळ (काटवली, संगमेश्वर) यांच्याकडून बहुरंगी नमन, गौळण व वगनाट्य सादर केले जाईल.
या संपूर्ण कार्यक्रमांना कोतळूक गावातील तसेच परिसरातील नागरिक, भाविक व भक्तगणांनी मोठ्या संख्येने उपस्थित राहावे असे आवाहन ग्रामस्थ मंडळाचे अध्यक्ष समीर मुकुंद ओक, महिला अध्यक्ष मेघा महेश महाडीक व मंडळाच्या सदस्यांनी प्रसिद्धीपत्रकाद्वारे केले आहे.
#श्रीहनुमानजयंती #कोतळूकउमदेवाडी #गुहागर #RatnagiriNews #हळदीकुंकू #नाट्यप्रयोग #भजनकीर्तन #पालखीमिरवणूक
Author: Sandesh Kadam
संदेश कदम, अबलोली. रत्नागिरी वार्ताहर. डिजिटल मिडिया गूहागर तालुका समन्वयक
