जिल्हा पोलीस अधीक्षक श्री. नितीन दत्तात्रय बगाटे यांचा पोलीस ठाण्यांना दौरा
चिपळूण, अलोरे, सावर्डे, संगमेश्वर व रत्नागिरी ग्रामीण पोलीस ठाण्यांना भेट देत अधिकारी-अंमलदारांच्या अडचणी जाणून घेतल्या; अवैध धंद्यांवर कारवाई व अमली पदार्थविरोधी मोठ्या मोहिमेच्या सूचना
रत्नागिरी – दि. 02 जून 2025
जिल्हा पोलीस अधीक्षक श्री. नितीन दत्तात्रय बगाटे यांनी रत्नागिरी जिल्ह्यातील महत्त्वाच्या पोलीस ठाण्यांना भेट देत पोलिस प्रशासनाच्या कार्यपद्धतीचा आढावा घेतला. त्यांनी चिपळूण, अलोरे, सावर्डे, संगमेश्वर आणि रत्नागिरी ग्रामीण या ठाण्यांना भेटी दिल्या आणि तेथील पोलीस अधिकारी व अंमलदारांशी संवाद साधत त्यांच्या अडीअडचणी, गरजा आणि स्थानिक गुन्हेगारी संदर्भातील माहिती जाणून घेतली.
या भेटीदरम्यान श्री. बगाटे यांनी स्थानिक पातळीवर सुरू असलेल्या अवैध धंद्यांवर कठोर कारवाई करण्याच्या सूचना दिल्या. अवैध मद्यविक्री, सट्टा, गांजा व इतर अमली पदार्थांचा वापर व विक्री यावर लक्ष केंद्रीत करून या प्रकारांचा समूळ नायनाट करण्यासाठी विशेष मोहीम राबविण्याचे आदेश त्यांनी दिले.
तसेच, पोलीस ठाण्यांतील मूलभूत सुविधांचा आढावा घेत त्यामध्ये आवश्यक सुधारणा करण्यात याव्यात, असेही ते म्हणाले. पोलीस कर्मचाऱ्यांच्या कामाच्या तासांमध्ये संतुलन राखणे, त्यांना मानसिक पाठबळ देणे आणि प्रशिक्षणाच्या संधी उपलब्ध करून देण्यावरही भर देण्यात आला.
या संपूर्ण दौऱ्याचा उद्देश जिल्ह्यातील कायदा व सुव्यवस्था अधिक सक्षम करणे, अवैध व्यवहारांना रोखणे आणि पोलिसांच्या कार्यक्षमतेत वाढ करणे हा होता.
Maharashtra Police Headquarter
@IGPKonkanRange
Nitin Bagate
#Visit #Instructions #IllegalActivities #Ratnagiri #DrugFreeSociety #SafeKonkan
Author: Prachi Sutar
Prachi Sutar - Ratnagiri. *Digital media creators* Office clark.PR.
