लॉर्ड्स कसोटी: बुमराहसाठी प्रसिद्ध कृष्णा संघातून बाहेर?

लॉर्ड्स कसोटी: बुमराहसाठी प्रसिद्ध कृष्णा संघातून बाहेर?

लंडन: इंग्लंडविरुद्धच्या तिसऱ्या कसोटी सामन्यासाठी भारताचा स्टार वेगवान गोलंदाज जसप्रीत बुमराह संघात परतण्यास सज्ज झाला आहे. गुरुवार, १० जुलै रोजी लॉर्ड्सवर सुरू होणाऱ्या या महत्त्वपूर्ण सामन्यासाठी भारतीय संघाच्या प्लेइंग इलेव्हनमध्ये बदल अपेक्षित आहे. वर्कलोड व्यवस्थापनामुळे दुसऱ्या कसोटीतून बुमराहला विश्रांती देण्यात आली होती, मात्र आता तो पुनरागमनासाठी पूर्णपणे तयार आहे.

बुमराह कोणाची जागा घेणार?

बुमराहच्या आगमनाने भारतीय संघाला आपला एक वेगवान गोलंदाज बाहेर ठेवावा लागणार आहे. सूत्रांकडून मिळालेल्या माहितीनुसार, युवा वेगवान गोलंदाज प्रसिद्ध कृष्णा याला बुमराहसाठी प्लेइंग इलेव्हनमधून वगळले जाण्याची शक्यता आहे. कृष्णाने मागील काही सामन्यांमध्ये अपेक्षेप्रमाणे कामगिरी केलेली नाही. दुसऱ्या कसोटीत भारताच्या विजयात महत्त्वपूर्ण भूमिका बजावणारे आकाश दीप आणि मोहम्मद सिराज यांचे स्थान संघात कायम राहण्याची दाट शक्यता आहे.

भारताची संभाव्य टीम  इलेव्हन:

• यशस्वी जैस्वाल
• केएल राहुल
• करुण नायर
• शुभमन गिल (कर्णधार)
• ऋषभ पंत (यष्टीरक्षक)
• रवींद्र जडेजा
• नितीश रेड्डी
• वॉशिंग्टन सुंदर
• जसप्रीत बुमराह
• आकाश दीप
• मोहम्मद सिराज

आर्चरचेही पुनरागमन:

या कसोटीत इंग्लंडचा वेगवान गोलंदाज जोफ्रा आर्चर देखील चार वर्षांनंतर कसोटी क्रिकेटमध्ये पुनरागमन करणार आहे. बुमराह आणि आर्चरच्या पुनरागमनामुळे दोन्ही संघांच्या फलंदाजांसाठी हे आव्हान अधिक कठीण होणार आहे. ही मालिका सध्या १-१ अशी बरोबरीत असून, दोन्ही संघ मालिकेत आघाडी घेण्यासाठी उत्सुक आहेत.