भाजपा गुहागरतर्फे मुख्यमंत्र्यांच्या वाढदिवसानिमित्त गुहागरमध्ये रक्तदान शिबिर उत्साहात संपन्न
गुहागरमध्ये मुख्यमंत्र्यांच्या वाढदिवसानिमित्त २८ जणांनी केले रक्तदान; भाजप कार्यकर्त्यांचा उत्स्फूर्त प्रतिसाद
गुहागर (आबलोली, संदेश कदम): महाराष्ट्र राज्याचे मुख्यमंत्री देवेंद्र फडणवीस यांच्या वाढदिवसानिमित्त बुधवार, २३ जुलै २०२५ रोजी भारतीय जनता पक्ष (भाजप) गुहागर तालुका यांच्या वतीने गुहागर ग्रामीण रुग्णालयात रक्तदान शिबिराचे आयोजन करण्यात आले होते. सकाळी १० ते दुपारी २ या वेळेत झालेल्या या शिबिराला रक्तदात्यांनी चांगला प्रतिसाद दिला.
या रक्तदान शिबिराचे उद्घाटन भाजप गुहागर तालुकाध्यक्ष अभय भाटकर यांच्या हस्ते श्रीफळ वाढवून करण्यात आले. रत्नागिरी शासकीय रुग्णालयाची टीम रक्त संकलनासाठी उपस्थित होती. शिबिरात एकूण ५५ जणांनी नोंदणी केली होती. आरोग्य पथकाकडून परिपूर्ण तपासणी केल्यानंतर, त्यापैकी २८ जणांनी प्रत्यक्षात रक्तदान केले.
याप्रसंगी भाजप उत्तर रत्नागिरी जिल्हाध्यक्ष सतीश मोरे, डॉ. सौ. विनिता नातू, भाजप गुहागरचे माजी तालुकाध्यक्ष निलेश सुर्वे, चिपळूणचे माजी तालुकाध्यक्ष वसंत ताम्हणकर, सचिन ओक, गुहागर शहराध्यक्ष नरेश पवार, संतोष सांगळे, मंगेश रांगळे, अरुण गांधी, संगम मोरे, विनायक सुर्वे, पंचायत समितीचे माजी सदस्य विजय भुवड, संजय मालप, उमेश भोसले, आशिष विचारे, महेश तोडणकर, अपूर्वा बारगोडे, प्रांजली कचरेकर, काताळे सरपंच प्रियांका सुर्वे, ज्योती परचुरे, वृक्षाली ठाकूर, स्मिता जांगळी, संदीप हळदणकर, हेदवीचे उपसरपंच एकनाथ बसणकर यांच्यासह अनेक कार्यकर्ते उपस्थित होते.
#DevendraFadnavis #BirthdayCelebration #BloodDonationCamp #Guhagar #BJP #Maharashtra #रक्तदानशिबिर #देवेंद्रफडणवीस #वाढदिवस #गुहागर #भाजप #सामाजिक_उपक्रम #BloodDonation
Author: RV. Reporters
Guhagar Office .. * Ratnagiri vartahar Digital News * ..
