गुहागर तालुका सेवा समितीतर्फे जि.प. शाळा वाकी येथे शैक्षणिक साहित्य वाटप

गुहागर तालुका सेवा समितीतर्फे जि.प. शाळा वाकी येथे शैक्षणिक साहित्य वाटप

विद्यार्थ्यांचे शिक्षण थांबू नये या उदात्त हेतूने ‘श्रीस्वामी नरेंद्राचार्यजी महाराज’ यांच्या प्रेरणेतून उपक्रम

आबलोली (संदेश कदम): अनंत श्रीविभूषित जगद्गुरु रामानंदाचार्य, श्रीस्वामी नरेंद्राचार्यजी महाराज यांच्या प्रेरणेने गुहागर तालुका सेवा समितीने गुहागर तालुक्यातील जिल्हा परिषद शाळा वाकी येथे नुकतेच वह्या, पेन आणि इतर शैक्षणिक साहित्याचे वाटप केले. सध्याच्या युगात शिक्षणाचे वाढते महत्त्व आणि आर्थिक परिस्थितीमुळे कोणताही विद्यार्थी शिक्षणापासून वंचित राहू नये, हा या उपक्रमामागील मुख्य उद्देश होता.

या प्रसंगी गुहागर पंचायत समितीचे गट विकास अधिकारी शेखर भिलारे, जगद्गुरु नरेंद्राचार्य महाराज संस्थानाचे रत्नागिरी जिल्हा निरीक्षक तावडे गुरुजी, जिल्हा सेवा अध्यक्ष दत्तात्रय मोरे, जिल्हा सचिव महेंद्र कदम, युवा पीठ निरीक्षक सुनील वीर, प्रोटोकॉल अधिकारी भाई कदम, गुहागर तालुकाध्यक्ष धनश्री मांजरेकर, ज्येष्ठ गुरुबंधू दिलीप बागकर, जिल्हा परिषद शाळा वाकीचे सर्व शिक्षक आणि ग्रामस्थ मोठ्या संख्येने उपस्थित होते.

गुहागर तालुका सेवा समितीच्या या स्तुत्य उपक्रमाबद्दल जिल्हा परिषद शाळा वाकीच्या वतीने आभार मानण्यात आले. या शैक्षणिक साहित्याच्या वाटपामुळे विद्यार्थ्यांना शिक्षणासाठी प्रोत्साहन मिळेल आणि त्यांना अभ्यासात मदत होईल, अशी अपेक्षा व्यक्त करण्यात येत आहे.

#EducationalAid #StudentSupport #Guahagar #CSRInitiative #SwamiNarendracharyaMaharaj #EducationForAll #ZPschoolWaki #शैक्षणिकसाहित्यवाटप #विद्यार्थीमदत #गुहागरतालुका #सेवाउपक्रम #शिक्षणाचेमहत्व #जिपशाळावाकी

Author: RV. Reporters

Guhagar Office .. * Ratnagiri vartahar Digital News * ..