💥 ब्रेकिंग न्यूज 💥

🟣 १८ वर्षांनंतर डॉन अरुण गवळी जेलमधून बाहेर; सुप्रीम कोर्टाकडून जामीन मंजूर

मुंबई – शिवसेनेचे नगरसेवक कमलाकर जामसंडेकर यांच्या हत्या प्रकरणात जन्मठेपेची शिक्षा भोगत असलेला कुख्यात डॉन अरुण गवळी याला अखेर सुप्रीम कोर्टाकडून जामीन मंजूर झाला आहे. तब्बल १८ वर्षांच्या कारावासानंतर गवळी जेलबाहेर येणार असून हा त्याच्यासाठी मोठा दिलासा मानला जातो.

गवळीने याआधी अनेक वेळा जामिनासाठी अर्ज केला होता, मात्र तो फेटाळण्यात आला होता. अखेर आता सर्वोच्च न्यायालयाने त्याच्या अर्जावर सकारात्मक निर्णय दिला आहे.

📌 प्रकरणाचा तपशील

• २ मार्च २००७ रोजी घाटकोपरमधील घरी गोळ्या झाडून कमलाकर जामसंडेकर यांची हत्या करण्यात आली होती.
• पोलिस तपासानंतर या प्रकरणात अरुण गवळीला अटक करून न्यायालयीन कारवाई सुरू झाली.
• गवळीवर जन्मठेपेची शिक्षा सुनावण्यात आली होती.
• विशेष म्हणजे हत्या घडली तेव्हा अरुण गवळी हा आमदार होता.

आता सुप्रीम कोर्टाच्या या निर्णयामुळे अरुण गवळी १८ वर्षांनी जेलच्या बाहेर येणार आहे. या घटनेमुळे पुन्हा एकदा मुंबईतील गवळी प्रकरणावर चर्चा रंगण्याची शक्यता आहे.

Author: Prachi Sutar

Prachi Sutar - Ratnagiri. *Digital media creators* Office clark.PR.