🎶 साखर नवलादेवी मंदिरात 22 सप्टेंबर रोजी डबलबारी भजनाचा जंगी सामना

संदीप पुजारे विरुद्ध अखिलेश फालके; शेरास सव्वाशेर बतवणीची जुगलबंदी

चव्हाणवाडी (श्री. मनोहर धुरी), राजापूर तालुका :-

नवरात्रोत्सवानिमित्त राजापूर तालुक्यातील साखर नवलादेवी मंदिरात 22 सप्टेंबर 2025 रोजी रात्री 10 वाजता डबलबारी 20-20 भजनाचा जंगी सामना रंगणार आहे.

या भजन स्पर्धेत सिंधुदुर्गातील देवगड तालुक्याचे भजनशान बुवा संदीप पुजारे आणि बुवा अखिलेश फालके आमनेसामने येणार आहेत. दोन्ही बुवा बतवणीचे माहीर असून त्यांच्या खास शैलीतील जुगलबंदी रसिकांना ठसका देणारी ठरणार आहे.

“भ म्हणजे भजावा, ज म्हणजे जपावा, न म्हणजे नमावा” या तत्वांवर आधारित या भजनात नामरसाचा वर्षाव होणार आहे. भजन रसिक देखील ‘तापवा-पेटवा, उडव-खडलाव’ अशा शब्दांनी बुवांना उत्स्फूर्त प्रतिसाद देणार आहेत.

पखवाजाचा नाद, पेटीचा सूर, बुवांचा तालरूपी नामगजर, अभंग, गौळणी, गवळणी व विविध शेलक्या बतवणी यामुळे या रात्रीची मैफल अविस्मरणीय ठरणार आहे.

आयोजकांनी परिसरातील सर्व रसिकांना या डबलबारी भजनाचा लाभ घ्यावा, असे आवाहन केले आहे.

—

🔖 हॅशटॅग्स

#साखरनवलादेवी #भजन #Rajapur #Sindhudurg #भजनस्पर्धा #RatnagiriVartahar

Author: RV.Ratnagiri Office

रत्नागिरी वार्ताहर डिजिटल बातमी पत्र - एडिटर विभाग