सोवेली येथे महिलांसाठी विशेष आरोग्य शिबीर : स्वस्थ नारी सशक्त परिवार अभियानांतर्गत उपक्रम

प्राथमिक आरोग्य केंद्र कुंबळे व आयुष्यमान आरोग्य मंदिर उपकेंद्र सोवेली यांच्यावतीने आरोग्य जनजागृती व विविध तपासण्या

मंडणगड (वार्ताहर)

तालुक्यातील सोवेली येथे स्वस्थ नारी सशक्त परिवार विशेष अभियान अंतर्गत महिलांसाठी आरोग्य शिबीराचे आयोजन करण्यात आले. दि. २५ सप्टेंबर २०२५ रोजी आयुष्यमान आरोग्य मंदिर उपकेंद्र सोवेली येथे आयोजित या शिबिरात महिलांच्या आरोग्यविषयक तपासण्या व मार्गदर्शन करण्यात आले.

प्राथमिक आरोग्य केंद्र कुंबळे येथील वैद्यकीय अधिकारी मा. डॉ. गुळवे सर यांनी महिलांना आरोग्याची काळजी कशी घ्यावी याबाबत समुपदेशन केले. शिबिरामध्ये उच्च रक्तदाब, मधुमेह, कर्करोग, क्षयरोग, अॅनिमिया तपासणी तसेच गरोदर मातांची तपासणी व समुपदेशन, मासिक पाळी स्वच्छतेचे मार्गदर्शन, आहार पद्धतीवरील माहिती आणि ECG तपासण्या करण्यात आल्या.

तसेच PMJAY कार्ड eKYC, SNSP अॅपवरील नोंदी, पोषण आहाराविषयी माहिती, आयुष व योग सत्र घेण्यात आले.

कार्यक्रमाला सोवेली ग्रामपंचायतीचे मा. उपसरपंच श्री. संकेत सुनिल तांबे, ग्रामपंचायत सदस्य, वैद्यकीय अधिकारी डॉ. गुळवे सर, श्रीम. प्रियांका महादेव अथणी व श्री. राजेंद्र खरमाटे (समुदाय आरोग्य अधिकारी), आरोग्य सेवक श्री. शरद सापटे, श्री. सचिन सापटे, श्री. रणजीत दुर्गवले, आरोग्य सेविका श्रीम. सरस्वती गायकवाड, श्रीम. कल्पना शीद, श्रीम. श्रीदेवी मठ (लॅब टेक्निशियन), गटप्रवर्तक श्रीम. साक्षी सापटे, आशा सेविका श्रीम. समीक्षा कदम, श्रीम. मनीषा खैरे तसेच सर्व अंगणवाडी सेविका, मदतनीस, बचत गट प्रतिनिधी, ग्रामपंचायत शिपाई श्री. दळवी व ग्रामस्थ उपस्थित होते.

या उपक्रमातून महिलांमध्ये आरोग्य जनजागृती घडवून आणण्यासोबतच सशक्त कुटुंब घडविण्याचा संदेश दिला गेला.

हॅशटॅग्स:

#स्वस्थनारीसशक्तपरिवार #महिला_आरोग्य #मंडणगड #सोवेली #आरोग्यशिबीर #AyushmanBharat #RatnagiriVartahar

Author: RV.Ratnagiri Office

रत्नागिरी वार्ताहर डिजिटल बातमी पत्र - एडिटर विभाग