🦁 रत्नागिरी युवासेना जिल्हा युवा अधिकारीपदी प्रसाद सावंत यांची नियुक्ती
आदित्य ठाकरे यांच्याकडून विश्वास — निष्ठावान शिवसैनिक प्रसाद सावंत यांच्यावर जिल्हास्तरीय जबाबदारी
रत्नागिरी — युवासेना प्रमुख आदित्य ठाकरे यांनी रत्नागिरी जिल्ह्याच्या (रत्नागिरी, राजापूर-लांजा आणि चिपळूण-संगमेश्वर विधानसभा क्षेत्र) युवासेना जिल्हा युवा अधिकारी म्हणून प्रसाद सावंत यांची नियुक्ती केली आहे. या नियुक्तीबाबतची माहिती युवासेना मध्यवर्ती कार्यालयातून प्रसिद्ध करण्यात आलेल्या पत्रकाद्वारे देण्यात आली.
गेल्या अनेक वर्षांपासून रत्नागिरीत प्रामाणिक, कार्यतत्पर आणि निष्ठावान शिवसैनिक म्हणून परिचित असलेल्या प्रसाद सावंत यांनी यापूर्वी युवासेना तालुकाप्रमुख पदाची जबाबदारी दोन वेगवेगळ्या कार्यकाळात यशस्वीपणे पार पाडली आहे. युवासेनेच्या स्थापनेच्या सुरुवातीच्या काळात तसेच सध्याच्या आव्हानात्मक टप्प्यात संघटनेच्या कामात त्यांनी सातत्य ठेवले आहे.
सध्या रत्नागिरी शहर संघटक म्हणून कार्यरत असलेल्या सावंत यांच्यावर आता जिल्हास्तरीय नेतृत्वाची जबाबदारी देण्यात आली असून, संघटनेतील कार्यकर्त्यांत या नियुक्तीमुळे उत्साहाचे वातावरण निर्माण झाले आहे.
हॅशटॅग्स:
#रत्नागिरी #युवासेना #प्रसादसावंत #आदित्यठाकरे #ShivSena #RatnagiriYouth #RatnagiriVartahar #YouthPolitics
Author: RV.Ratnagiri Office
रत्नागिरी वार्ताहर डिजिटल बातमी पत्र - एडिटर विभाग
