शिवभक्त कोकण लोकनाट्य ‘नमन’ फॉरेन रिटर्न कलाकारांचा भव्य सत्कार सोहळा उत्साहात संपन्न

🎭 शिवभक्त कोकण लोकनाट्य ‘नमन’ फॉरेन रिटर्न कलाकारांचा भव्य सत्कार सोहळा उत्साहात संपन्न

संगमेश्वर – प्रतिनिधी

सन्मान जिव्हाळ्याचा, आपलेपणाचा…

दिनांक १ मार्च २०२६ रोजी कडवई येथील किंजळकर–धुळप वाडीच्या वार्षिक होळी सार्वजनिक पूजेच्या निमित्ताने ‘फॉरेन रिटर्न शिवभक्त कोकण नमन मंडळा’चा विशेष सत्कार मोठ्या उत्साहात पार पडला. परदेशात जाऊन कोकणची लोकसंस्कृती, पारंपरिक नमन कला आणि शिवभक्तीचा संदेश जपणाऱ्या या मंडळाचा ग्रामस्थांनी अत्यंत अभिमानाने आणि आपुलकीने गौरव केला.

वाडीप्रमुख संजयजी किंजळकर व सुभाषजी धुळप यांच्या प्रमुख उपस्थितीत हा सोहळा संपन्न झाला. तसेच पंचायत समिती सदस्या सौ. अपर्णा जाधव वाहिनी आणि लोककला व तरुणांना सातत्याने प्रोत्साहन देणारे अरविंद साहेब जाधव यांनीही उपस्थित राहून कलाकारांचे मनापासून कौतुक केले व पुढील वाटचालीस शुभेच्छा दिल्या.

कार्यक्रमाचे प्रभावी व ओघवते समालोचन प्राध्यापक किंजळकर साहेब यांनी केले. त्यांच्या शब्दांनी कार्यक्रमाची रंगत अधिकच खुलली.

🎬 मान्यवरांची उपस्थिती

‘शिवभक्त’चे निर्माते श्री. युयुत्सु आर्ते, सहनिर्माते परेशजी देवरुखकर, दिग्दर्शक निलेश किंजळकर यांच्यासह कलाकार केतनजी किंजळकर, वैभवजी पडये, मदन पांडव, अनिल किंजळकर, प्रणित काकवल, प्रमोद करंडे आदी शिवभक्त मंडळी यावेळी उपस्थित होती. त्यांच्या उपस्थितीमुळे कार्यक्रमाला विशेष उत्साह आणि सांस्कृतिक भारदस्तपणा लाभला.

🌍 परदेश वारीला मिळाला प्रेमाचा साज

परदेशात कोकणची संस्कृती पोहोचवून परतलेल्या या कलाकारांना मिळालेला हा सन्मान त्यांच्या परदेश वारीच्या प्रवासाला सुखाची झालर देणारा ठरला. ग्रामस्थांनी व्यक्त केलेला सन्मान, जिव्हाळा आणि प्रेम हेच त्यांच्या पुढील वाटचालीस नवी ऊर्जा देणारे ठरणार आहे.

कडवई ग्रामस्थांनी आयोजित केलेला हा सोहळा कोकणच्या सांस्कृतिक एकोप्याचा आणि कलाकारांवरील प्रेमाचा सुंदर आविष्कार ठरला.

कडवई ग्रामस्थांचे मनःपूर्वक आभार! 🙏✨

Author: RV.Ratnagiri Office

रत्नागिरी वार्ताहर डिजिटल बातमी पत्र - एडिटर विभाग