रुण गोंधवली शाळेत पहिल्याच दिवशी विद्यार्थ्यांना
चंदुरकर परिवार व ग्रामस्थांचा गोंधवली जिल्हा परिषद शाळेत स्तुत्य उपक्रम
लांजा (प्रतिनिधी): जितेंद्र चव्हाण
ग्रामीण भागातील विद्यार्थ्यांना शिक्षणाची आवड निर्माण व्हावी, त्यांना प्रोत्साहन मिळावे आणि शिक्षणाच्या प्रवाहात कोणताही विद्यार्थी मागे राहू नये, या उदात्त हेतूने लांजा तालुक्यातील जिल्हा परिषद प्राथमिक शाळा रुण गोंधवली येथे एक स्तुत्य उपक्रम हाती घेण्यात आला आहे. नव्या शैक्षणिक वर्षाच्या पहिल्याच दिवशी, म्हणजेच १५ जून रोजी शाळेतील सर्व विद्यार्थ्यांना मोफत स्कूल बॅग आणि शैक्षणिक साहित्याचे वाटप करण्यात येणार आहे.
हा उपक्रम श्री. चंदुरकर परिवार यांच्या वतीने आईच्या स्मरणार्थ राबविण्यात येत आहे. कै. सौ. राधिका कृष्णा चंदुरकर यांच्या पवित्र स्मृती प्रित्यर्थ चंदुरकर परिवाराने सर्व विद्यार्थ्यांना या साहित्याचे मोफत वितरण करण्याचे ठरवले आहे. ग्रामीण भागातील मुलांच्या शिक्षणाला हातभार लावण्याच्या या कौतुकास्पद निर्णयाचे सर्वत्र स्वागत होत आहे.
हा संपूर्ण उपक्रम श्री. चंदुरकर परिवार, नवतरुण विकास मंडळ (मुंबई), रुण गोंधवली वाडी ग्रामस्थ आणि सर्व ग्रामस्थ यांच्या संयुक्त विद्यमाने आयोजित करण्यात आला आहे. शाळेच्या पहिल्याच दिवशी मुलांना हक्काचे शैक्षणिक साहित्य मिळणार असल्याने विद्यार्थी आणि पालकांमध्ये आनंदाचे वातावरण आहे. १५ जून रोजी शाळा सुरू होताच हा वितरण सोहळा पार पडणार असून, सर्व ग्रामस्थांनी आणि पालकांनी उपस्थित राहावे, असे आवाहन आयोजकांतर्फे करण्यात आले आहे.
Author: RV.Ratnagiri Office
रत्नागिरी वार्ताहर डिजिटल बातमी पत्र - एडिटर विभाग
