डॉ. अनिल कुमार गायकवाड सामाजिक सेवाकुंड ट्रस्टला आयएसओ मानांकन प्राप्त – सामाजिक क्षेत्रात भरीव कार्याची दखल
नंदकुमार बागडेपाटील……..
उदगीर: सामाजिक सेवेत विशेष योगदान देणाऱ्या डॉ. अनिल कुमार गायकवाड सामाजिक सेवाकुंड ट्रस्टला त्यांच्या उत्कृष्ट सेवाकार्याबद्दल प्रतिष्ठित आयएसओ मानांकन प्रदान करण्यात आले आहे. ट्रस्टने महाराष्ट्र आणि देशभरात भरीव सामाजिक कार्य केले असून, प्रयागराज महाकुंभ, दादर चैत्यभूमी, पंढरपूर वारीतील अन्नदान, तसेच कोरेगाव भीमा शौर्य दिनी भीमसैनिकांची सेवा अशा महत्त्वपूर्ण उपक्रमांचे उत्कृष्ट व्यवस्थापन केले आहे.
ही उल्लेखनीय सेवा ट्रस्टचे अध्यक्ष मा. अश्वजीत भैय्या गायकवाड यांच्या मार्गदर्शनाखाली अविरत सुरू आहे. त्यांच्या नेतृत्वाखाली ट्रस्टने समाजसेवेच्या विविध स्तरांवर आपली छाप उमटवली आहे.
उदगीर तालुक्यातील कार्यकर्त्यांकडून अभिनंदन आणि शुभेच्छा
डॉ. अनिल कुमार गायकवाड सामाजिक सेवाकुंड ट्रस्टला आयएसओ मानांकन मिळाल्याबद्दल उदगीर तालुक्याच्या वतीने ट्रस्टचे अध्यक्ष अश्वजीत भैय्या गायकवाड यांचे अभिनंदन करण्यात आले. उदगीरचे सामाजिक कार्यकर्ते आणि ट्रस्टचे सेवक उत्तम बिरादार यांनी सांगितले की, “अश्वजीत भैय्यासाहेब यांच्या नेतृत्वाखाली ट्रस्टने समाजसेवेचे आदर्श कार्य केले आहे. ही सेवा अखंड सुरू राहावी, यासाठी आई तुळजाभवानी चरणी प्रार्थना आहे.”
या प्रसंगी उदगीर शहर व ग्रामीण भागातील कार्यकर्त्यांनी अश्वजीत भैय्यासाहेबांच्या कार्याचा गौरव केला आणि त्यांच्या पुढील वाटचालीस शुभेच्छा दिल्या.
उपस्थित मान्यवर:
या अभिमानास्पद क्षणी माधव मोरे (उमरगा), मन्ना शरद बिरादार, संभाजी जाधव (एकुर्का), रमेश मुळे (सुकनी), श्रीकांत मुळे (लावणी), आकाश माने (हाळी), शिवाजी माने (करडखेल), बाळासाहेब निडवंचे (करवंदी), नरसिंग बिरादार (धोंडीपरगा), संतोष बिरादार (लोहारा), मदन बिरादार, रमेश ढगे, यशवंत ढगे (शेकापूर), तोफिक पंढरपुरे (धावणगाव), करण भोळे, प्रवीण नागांपले (अहमदपूर), अजय बिरादार, महेश सूर्यवंशी, राम पवार यांसह अनेक कार्यकर्ते उपस्थित होते.
– या यशाबद्दल संपूर्ण महाराष्ट्रातून ट्रस्टवर अभिनंदनाचा वर्षाव होत आहे.
Author: Sujit Surve.
⭕ सुजित सुर्वे -प्रतिनिधी - रत्नागिरी वार्ताहर डिजिटल बातमी पत्र ⭕ ⭕ पडवे - गुहागर. 415613 ⭕
