???? खेर्डी नदी दुर्घटनेत जीव वाचवणाऱ्या अग्निशमन वीरांचा गौरव
चिपळूण भाजप मंडळातर्फे अग्निशमन दलाचा सत्कार; नागरिकांचीही वाहवा
चिपळूण : खेर्डी येथील नदीमध्ये अडकलेल्या चार मच्छीमार बांधवांना जीव धोक्यात घालून वाचवणाऱ्या चिपळूण नगर परिषद अग्निशमन दलाच्या कर्मचाऱ्यांचा सत्कार भाजप चिपळूण शहर मंडळाच्या वतीने करण्यात आला.
सत्कृत्य करणाऱ्या दलामध्ये अग्निशमन अधिकारी आनंद बामणे, अग्निशामक अमोल वीर, भूषण भोजने, प्रतीक घेवडेकर, शुभम चिवेलकर व वाहनचालक अभय गांधी यांचा समावेश होता. या सर्वांनी रात्रीच्या अंधारात नदीपात्रात उतरून अतिशय धाडसीपणे बचावकार्य पार पाडले.
या सत्कार कार्यक्रमावेळी शहराध्यक्ष शशिकांत मोदी, सारिका भावे, प्रणाली सावर्डेकर, अभय चितळे, मधुकर निमकर, श्री. ओक, श्री. राजापूरकर, निनाद आवटे आदी मान्यवर उपस्थित होते. त्यांनी अग्निशमन कर्मचाऱ्यांच्या धाडसाचे विशेष कौतुक केले.
ही बचाव मोहीम यशस्वी होण्यासाठी संपूर्ण प्रशासनाने सहकार्य केले. नदी किनारी प्रशासकीय यंत्रणा सतत लक्ष ठेवून होती. यामध्ये प्रांताधिकारी मंगेश पेढांबकर, कार्यालयीन अधीक्षक रोहित खाडे, आरोग्य निरीक्षक सुजीत जाधव, अभिलेख भांडार विभाग प्रमुख वलीद वांगडे, तसेच रवि सातपुते यांचा सक्रिय सहभाग होता.
—
???? #अग्निशमनवीर #चिपळूण #खेर्डी #मच्छीमारबचाव #भाजपचिपळूण #सत्कारसमारंभ #रत्नागिरी #HeroicRescue #FirefightersHonor
???? फोटो
Author: Sujit Surve.
⭕ सुजित सुर्वे -प्रतिनिधी - रत्नागिरी वार्ताहर डिजिटल बातमी पत्र ⭕ ⭕ पडवे - गुहागर. 415613 ⭕
