मिरकरवाडा बंदर विकासाला गती: ११३ कोटींच्या निधीसह दुसऱ्या टप्प्यातील कामांना लवकरच सुरुवात!
रत्नागिरी ~मिरकरवाडा बंदर, रत्नागिरी येथे दुसऱ्या टप्प्यातील विकासकामांसाठी ११३ कोटी रुपयांच्या निधीला प्रशासकीय मान्यता मिळाली आहे. या कामांसाठी २२ कोटी रुपयांचा निधी उपलब्ध असून, येत्या आठवड्याभरात या कामांचे भूमिपूजन होणार असल्याची माहिती मत्स्य व बंदर विकास मंत्री नितेश राणे यांनी पावसाळी अधिवेशनात दिली. यामुळे मिरकरवाडा बंदराचा कायापालट होणार आहे.
अनेक वर्षांपासून मिरकरवाडा बंदराच्या २५ हेक्टर जागेवर अनधिकृत बांधकामे होती, ज्यामुळे बंदराचा विकास रखडला होता. मंत्री नितेश राणे यांनी रत्नागिरी दौऱ्यानंतर ही अतिक्रमणे तात्काळ हटवण्याचे निर्देश दिले, ज्यामुळे विकासाचा मार्ग मोकळा झाला. दुसऱ्या टप्प्यातील कामांसाठी जिल्हा प्रशासकीय मान्यता मिळाली असून, पालकमंत्री उदय सामंत आणि महायुतीच्या प्रमुख नेत्यांच्या उपस्थितीत २२ कोटींच्या कामांचा शुभारंभ करण्यात येणार आहे.
यापूर्वी मिरकरवाडा टप्पा १ मध्ये ७४ कोटी रुपये मंजूर झाले होते. यामध्ये मत्स्य बंदराच्या पश्चिमेकडील १५० मीटर लांबीचे ब्रेकवॉटर (लाट रोधक भिंत) आणि उत्तरेकडील ६७५ मीटर लांबीच्या नवीन ब्रेकवॉटरचे काम पूर्ण झाले आहे.
दुसऱ्या टप्प्यात समाविष्ट असलेली कामे:
* १५० मीटरची लाट रोधक भिंत बांधणे
* लोकांच्या मार्गातील गाळ काढणे
* लिलाव गृह
* जाळे विणण्याचे शेड
* निवारा शेड
* धक्का व जेटी दुरुस्ती
* अंतर्गत रस्ते
* वर्कशॉप बांधणे
* प्रशासकीय इमारत
* उपहारगृह
* रेडिओ कम्युनिकेशन सेंटर
* प्रसाधन गृह
* सांडपाणी प्रक्रिया प्रकल्प उभारणे
* गार्ड रूम बांधणे
* आग प्रतिबंधक उपाययोजना
या कामांमुळे मिरकरवाडा बंदरातील पायाभूत सुविधांमध्ये मोठी सुधारणा होईल आणि मच्छीमारांना तसेच स्थानिकांना याचा फायदा मिळेल.
#Hastags
#Ratnagiri #MirkarwadaPort #PortDevelopment #Maharashtra #Fisheries #Infrastructure #DevelopmentProject #NiteshRane #UdaySamant #मिरकरवाडाबंदर #रत्नागिरी #बंदरविकास #महाराष्ट्र #मत्स्यव्यवसाय #पायाभू
तसुविधा #विकासप्रकल्प
Author: RV.Ratnagiri Office
रत्नागिरी वार्ताहर डिजिटल बातमी पत्र - एडिटर विभाग
