🚨 ब्रेकिंग बातमी: मनसेने पकडला मराठी तरुणीला मारहाण करणारा आरोपी! 🚨
कल्याणमध्ये मनसे कार्यकर्त्यांनी आरोपीला पोलिसांच्या हवाली केले; अटक
कल्याण, महाराष्ट्र – कल्याणमध्ये एका खासगी रुग्णालयात रिसेप्शनिस्ट म्हणून काम करणाऱ्या मराठी तरुणीला लाथाबुक्क्यांनी बेदम मारहाण करणाऱ्या गोकुळ झा या आरोपीला महाराष्ट्र नवनिर्माण सेनेच्या (मनसे) कार्यकर्त्यांनी पकडून पोलिसांच्या स्वाधीन केले आहे. या मारहाणीत तरुणीला गंभीर दुखापत झाली होती. पोलिसांनी गोकुळ झा याला अटक केली आहे.
मारहाणीचा व्हिडिओ व्हायरल झाल्यानंतर गोकुळ झा फरार झाला होता. त्याचा शोध घेण्यासाठी कल्याण पोलिसांची पाच पथके काम करत होती. मात्र, मंगळवारी रात्री मनसे कार्यकर्त्यांनी नवाळी परिसरात त्याला शोधून काढले.
आरोपी गोकुळ झाने पोलिसांपासून वाचण्यासाठी आपला लूक बदलला होता. नांदिवली परिसरात तो अनेकांच्या ओळखीचा असल्याने त्याने आपले केस कापले होते आणि नेहमीच्या कपड्यांऐवजी टी-शर्ट घातला होता. सीसीटीव्हीमध्ये दिसणारा त्याचा लूक आणि पोलिसांच्या ताब्यात दिल्यानंतरचा लूक यात फरक दिसून आला. त्याला वाटले होते की लूक बदलल्यामुळे तो पकडला जाणार नाही.
मंगळवारी रात्री तो नेवाळी परिसरात फिरत असताना मनसेचे योगेश गव्हाणे आणि दीपक कारंडे या कार्यकर्त्यांनी त्याला पकडले. मनसेचे ठाणे-पालघर जिल्हाप्रमुख अविनाश जाधव यांनी डोंबिवलीतील कार्यकर्त्यांना गोकुळ झाचा शोध घेण्याचे आदेश दिले होते. त्यानुसार, मनसेचे कार्यकर्ते दिवसभर त्याचा शोध घेत होते. अखेर रात्री कल्याणमधील वसार गावातून शेतातून पळत असताना मनसैनिकांनी त्याला पाहिले. त्यांनी त्याला पकडून गाडीत बसवले आणि पोलीस स्टेशनमध्ये आणले.
गोकुळ झा याला आज न्यायालयात हजर केले जाणार आहे.
#Kalyan #MNS #MarathiGirl #Assault #Arrested #BreakingNews #Maharashtra #Police #Justice #CrimeUpdate
#कल्याण #मनसे #मराठीतरुणी #मारहाण #अटक #ब्रेकिंगन्यूज #महाराष्ट्र #पोलीस #न्याय #गुन्हेगारी
बातम्या
Author: RV. Reporters
Guhagar Office .. * Ratnagiri vartahar Digital News * ..
