अखिल गुहागर तालुका प्राथमिक शिक्षक संघाचा गुणगौरव सोहळा
गुहागर: १० ऑगस्ट रोजी विद्यार्थी गुणगौरव समारंभ
#Guhagar #TeachersUnion #StudentsHonored #गुहागर #शिक्षकसंघ #गुणगौरव
गुहागर ~ (सुजित सुर्वे प्रतिनिधि) अखिल गुहागर तालुका प्राथमिक शिक्षक संघातर्फे दरवर्षीप्रमाणे यावर्षीही विद्यार्थी गुणगौरव समारंभ आणि पालक-शिक्षक मेळाव्याचे आयोजन करण्यात आले आहे. हा सोहळा रविवार, १० ऑगस्ट २०२५ रोजी सकाळी १०:३० वाजता श्री छत्रपती शिवाजी महाराज सभागृह, पाठ-पन्हाळे येथे होणार आहे. गेल्या ३२ वर्षांपासून हा उपक्रम अखंडितपणे सुरू आहे, ज्याचा मुख्य उद्देश तालुक्यातील शिक्षण चळवळीला प्रोत्साहन देणे हा आहे.
या कार्यक्रमाचे अध्यक्षपद अंजनवेल केंद्राच्या केंद्रप्रमुख आरोही शिगवण मॅडम भूषवणार आहेत. या सोहळ्याला गटशिक्षणाधिकारी श्री आर. एच. गळवे साहेब, शिक्षण विस्तार अधिकारी अविनाश शेंबेकर साहेब आणि मोहन उकर्डे साहेब, तसेच राज्य संयुक्त चिटणीस प्रवीण काटकर, जिल्हाध्यक्ष दिलीप देवळेकर, जिल्हा सरचिटणीस भालचंद्र घुले आणि पाठ-पन्हाळे ग्रामपंचायतचे सरपंच विजय तेलगडे हे प्रमुख पाहुणे म्हणून उपस्थित राहणार आहेत.
या समारंभात विविध क्षेत्रांतील गुणवंत विद्यार्थी आणि शिक्षकांचा सत्कार केला जाणार आहे. यामध्ये प्राथमिक व माध्यमिक शिष्यवृत्तीधारक विद्यार्थी, नवोदय विद्यालय आणि इतर गुणवत्ताधारक विद्यार्थी, तसेच इयत्ता १०वी मध्ये प्रथम क्रमांक मिळवलेले विद्यार्थी यांचा समावेश आहे. याव्यतिरिक्त, एकलव्य पुरस्कार विजेते विद्यार्थी, जिल्हा परिषद आदर्श पुरस्कार प्राप्त शिक्षक, आदर्श शाळेतील शिक्षक आणि वर्षभरात सेवानिवृत्त झालेले प्राथमिक शिक्षक यांचाही गौरव केला जाईल. विशेष म्हणजे, नासा आणि इस्रोसाठी निवड झालेल्या विद्यार्थ्यांचाही या सोहळ्यात सन्मान केला जाणार आहे. या सर्वांना रोख रक्कम, भेटवस्तू आणि सन्मानपत्र देऊन गौरविण्यात येईल.
या कार्यक्रमाला सर्व शिक्षक आणि पालकांनी मोठ्या संख्येने उपस्थित राहावे, असे आवाहन अखिल गुहागर तालुका प्राथमिक शिक्षक संघाचे अध्यक्ष डॉ. मनोज पाटील आणि सरचिटणीस प्रकाश जोगळे यांनी केले
आहे.
Author: RV.Ratnagiri Office
रत्नागिरी वार्ताहर डिजिटल बातमी पत्र - एडिटर विभाग
