संतश्रेष्ठ शिरोमणी नामदेव महाराजांच्या जन्मभूमीला भेट देऊन मी धन्य झालो – नंदकुमार बगाडे पाटील

August 14, 2025
7:07 am
Post Views: 255

अहिल्यानगर (वार्ताहर) –

श्रीगोंदा तालुक्यातील ज्येष्ठ पत्रकार, अहिल्यानगर जिल्हा पत्रकार सुरक्षा समिती अध्यक्ष आणि संत नामदेव शिंपी समाजाचे सामाजिक कार्यकर्ते नंदकुमार बगाडे पाटील यांनी नुकतीच हिंगोली जिल्ह्यातील संतश्रेष्ठ शिरोमणी नामदेव महाराजांच्या जन्मभूमी नरसी नामदेव येथे भेट दिली.

कयाधू नदीकाठी वसलेले हे पवित्र स्थळ संत नामदेव महाराज मंदिर, संत सेना महाराज मंदिर, संतांचे वाडा आणि राहते घर अशा भक्तीस्थळांनी नटलेले आहे. या भेटीबाबत बोलताना बगाडे पाटील म्हणाले, “नरसी नामदेव येथे येऊन मला माझ्या जन्माचे सार्थक झाल्याची भावना झाली, जणू प्रत्यक्ष पांडुरंगाचे दर्शनच लाभले.”

नरसी नामदेव येथे भाविकांसाठी समाजभवन, मुक्काम, दोन वेळचे महाप्रसाद, सकाळ-संध्याकाळ नाश्ता-चहा तसेच बाराही वर्ष अखंड सुरू असलेली वीणा वादन सेवा यांसारख्या उत्तम सोयी उपलब्ध आहेत. महाराष्ट्रासह देशभरातून, विशेषतः पंजाबमधील शिक बांधव मोठ्या संख्येने येथे येतात.

संत नामदेव महाराजांनी वारकरी संप्रदायाचा पाया पक्का करताना जातीपातीचा विचार बाजूला ठेवून बहुजन समाजाला धार्मिक मार्गदर्शन केले. भागवत धर्माचा प्रसार करताना त्यांनी भारतभर भ्रमंती केली आणि पंढरपूरला आपली कर्मभूमी मानून शेवटी तिथेच संजीवनी समाधी घेतली.

बगाडे पाटील यांनी महाराष्ट्राचे मुख्यमंत्री देवेंद्र फडणवीस, उपमुख्यमंत्री एकनाथ शिंदे, अजित पवार आणि हिंगोलीचे पालकमंत्री यांनी नरसी नामदेव परिसरातील सुविधा वाढवाव्यात, अशी मागणी केली.

—

#हॅशटॅग्स:

#संतनामदेव #नरसीनामदेव #वारकरीसंप्रदाय #शिंपीसमाज #हिंगोली #कयाधूनदी #पंढरपूर #नामदेवगाथा #भक्तिप्रेरणा #MaharashtraTouri

1. संत नामदेव महाराज जन्मभूमी नरसी नामदेव

2. वारकरी संप्रदाय हिंगोली महाराष्ट्र

3. कयाधू नदी संत नामदेव मंदिर

4. शिंपी समाज भक्तिप्रेरणा यात्रा

5. पंढरपूर ते नरसी नामदेव तीर्थयात्रा