पडवे चे सरपंच मुजीब जांभारकर यांनी केली ग्रामस्थांच्या मागणीची पूर्तता
सौर ऊर्जा पथदीप बसवून दिले; दिलेला शब्द पाळून ग्रामस्थांचा विश्वास जिंकला
गुहागर : तालुक्यातील निर्मल ग्रामपंचायत पडवे चे सरपंच मुजीब जांभारकर यांनी ग्रामस्थांच्या सौर ऊर्जा पथदीप बसवण्याच्या मागणीची तातडीने पूर्तता करून दिलेला शब्द पाळला. नुकत्याच पार पडलेल्या ग्रामसभेत ग्रामस्थांनी गावातील अनेक विकासकामांबाबत चर्चा केली. या वेळी गणेशोत्सवाच्या काळात रात्री अंधारामुळे जाण्या-येण्यास अडचणी येत असल्याचे सांगून ग्रामस्थांनी सोलर दिवे बसवण्याची मागणी केली होती.
ग्रामस्थांच्या या मागणीचे गांभीर्य लक्षात घेऊन सरपंचांनी तातडीने निधीची तरतूद केली आणि संबंधित भागात सौर ऊर्जा पथदीप बसवून दिले. त्यामुळे गावकऱ्यांना भजन, आरती तसेच इतर धार्मिक-सांस्कृतिक कार्यक्रमांसाठी जाण्या-येण्यात मोठी सोय झाली आहे.
ग्रामस्थांनी सरपंचांनी दाखवलेल्या समयसूचकतेचे कौतुक केले असून त्यांचे अभिनंदनही केले. पराग कोळवणकर यांनी “दिलेला शब्द पाळणारे सरपंच कायम ग्रामस्थांच्या सोबत उभे असतात” अशा शब्दांत आभार मानले.
या वेळी पराग कोळवणकर, बंटी कोळवणकर, दत्ता टक्के, संतोष गडदे, विलास गडदे, सुमेध सुर्वे, ग्रामसेवक सौ. पाटील, ग्रामपंचायत सदस्य राजेंद्र खातू, शमा मखजनकर, पोलिस पाटील अनंत गांधी, विनायक भोसले,अमानत जांभारकर आदी ग्रामस्थ उपस्थित होते.
सभा चांगल्या वातावरणात पार पडली. यावेळी सरपंच मुजीब जांभारकर यांनी सर्व ग्रामस्थांना गणेशोत्सवाच्या शुभेच्छा देत धन्यवादही दिले.
—
🟢 Hashtags :
#गुहागर #ग्रामपंचायत #मुजीबजांभारकर #सौरऊर्जा #सोलरलाईट #ग्रामविकास #RatnagiriNews #GaneshUtsav
Author: Sujit Surve.
⭕ सुजित सुर्वे -प्रतिनिधी - रत्नागिरी वार्ताहर डिजिटल बातमी पत्र ⭕ ⭕ पडवे - गुहागर. 415613 ⭕
