💥💥 ब्रेकींग न्यूज!
🌧️ कोकण, घाटमाथा, मराठवाडा, विदर्भात आज जोरदार पावसाची शक्यता; IMD ने दिला यलो अलर्ट
मुंबई : राज्यात पावसाचा जोर काहीसा ओसरला असला तरी अधूनमधून हलक्या ते जोरदार सरी कोसळत आहेत. भारतीय हवामान खात्याने (IMD) आज रविवार, 31 ऑगस्ट रोजी कोकण, घाटमाथा, मराठवाडा आणि विदर्भासाठी पावसाचा इशारा दिला असून, मुंबईसह किनारपट्टी भागासाठी यलो अलर्ट जारी केला आहे.
सध्या मॉन्सूनशी संबंधित कमी दाबाचा पट्टा बिकानेर, कोटा, सेओनी, दुर्ग, भवानीपट्टनम, गोपालपूर ते बंगालच्या उपसागरापर्यंत सक्रिय आहे. तसेच उत्तर कोकणाच्या वरच्या स्तरावर समुद्रसपाटीपासून सुमारे 5.8 किमी उंचीवर चक्राकार वारे वाहत आहेत. या हवामान प्रणालीमुळे राज्यात गेल्या काही दिवसांत अधूनमधून पावसाची नोंद झाली आहे.
📍 आजचा पावसाचा अंदाज :
कोकण विभाग : मुंबई, ठाणे, पालघर, रायगड, रत्नागिरी आणि सिंधुदुर्ग येथे ढगाळ वातावरणासह मध्यम ते मुसळधार पाऊस.
मध्य महाराष्ट्र : पुणे, सातारा, सांगली, कोल्हापूर आणि सोलापूर येथे विजांच्या कडकडाटासह हलका ते मध्यम पाऊस. घाटमाथ्यावर (सातारा-कोल्हापूर) जोरदार पावसाची शक्यता.
मराठवाडा : विजांसह हलक्या ते मध्यम सरींचा अंदाज.
विदर्भ : नागपूर, चंद्रपूर, वर्धा, अमरावती, यवतमाळ येथे हलका पाऊस.
🌩️ वादळी वाऱ्यांचा वेग काही ठिकाणी ४०-५० किमी प्रतितास इतका पोहोचू शकतो. त्यामुळे शेतकरी, मच्छीमार आणि नागरिकांना सतर्क राहण्याचे आवाहन हवामान विभागाने केले आहे.
—
🟢 हॅशटॅग्स :
#MaharashtraRain #IMDAlert #KonkanRain #MumbaiWeather #विदर्भपाऊस #कोकणपाऊस #GhatsHeavyRain
—
📸 फोटो
Author: RV.Ratnagiri Office
रत्नागिरी वार्ताहर डिजिटल बातमी पत्र - एडिटर विभाग
