✨ नवीन उद्योग सुरू करायचा आहे? “मैत्री कक्ष” टोल फ्री क्रमांकावर मिळवा संपूर्ण मार्गदर्शन!
रत्नागिरी : नवीन उद्योग सुरू करण्याची इच्छा असलेल्या नव उद्योजकांसाठी आनंदाची बातमी आहे. उद्योग सुरू करण्यासाठी लागणारे परवाने, ना हरकत प्रमाणपत्र, शासनाच्या विविध योजना, सवलती तसेच राज्यातून विदेशात माल निर्यात करण्याच्या प्रक्रियेसंबंधी मार्गदर्शन आता एका फोन कॉलवर उपलब्ध आहे.
“मैत्री कक्ष” तर्फे १८००-२३३-२०३३ हा टोल फ्री क्रमांक उपलब्ध करून देण्यात आला असून यावर उद्योजकांना मोफत माहिती मिळणार आहे.
जिल्हा उद्योग केंद्राचे महाव्यवस्थापक अजिंक्य आजगेकर यांनी उद्योजक, नवउद्योजक आणि उद्योग क्षेत्रात रुची असलेल्या नागरिकांनी या सुविधेचा लाभ घ्यावा, असे आवाहन केले आहे.
“मैत्री कक्ष” ही महाराष्ट्र शासनाच्या उद्योग विभागांतर्गत कार्यरत संस्था असून, महाराष्ट्रातील उद्योग प्रक्रिया सुलभ करण्यासाठी व गुंतवणुकीला चालना देण्यासाठी ती सातत्याने काम करते.
➡️ त्यामुळे नवीन उद्योग सुरू करू इच्छिणाऱ्या प्रत्येकाने या टोल फ्री क्रमांकावर संपर्क साधून माहिती घ्यावी, असे आवाहन करण्यात आले आहे.
🔖 हॅशटॅग्स
#मैत्रीकक्ष #नवउद्योजक #RatnagiriNews #उद्योगसंधी #MaharashtraIndustry #StartUpIndia #BusinessSupport
📸 फोटो
Author: RV.Ratnagiri Office
रत्नागिरी वार्ताहर डिजिटल बातमी पत्र - एडिटर विभाग
