भिंतीच्या कपाटात सापडल्या बारबाला! मीरा रोडच्या टारझन बारवर पोलिसांची धाड
गुप्त कपाटात लपलेल्या तरुणींची सुटका; २२ जण अटकेत, बारमालकांवर खुनाचा प्रयत्नाचा गुन्हा
मुंबई : मीरा रोडच्या टारझन ऑर्केस्ट्रा बारवर गुरुवारी रात्री उशिरा पोलिसांनी धाड टाकली. या वेळी बारमध्ये चालणारे अश्लील नृत्य थांबवून ग्राहक व बारबालांची धरपकड करण्यात आली. धक्कादायक बाब म्हणजे पोलिसांनी झडती घेतली असता भिंतीत केलेल्या गुप्त कपाटात पाच तरुणी लपवलेल्या अवस्थेत सापडल्या.
ही ‘खुल जा सिम सिम’ स्टाईलची आयडिया पाहून पोलिसही थक्क झाले. इलेक्ट्रिकचा प्लग बोर्डावर लावून बटण दाबले आणि भिंतीवर लाथ मारली की कपाटाचे दार उघडे – एवढी भन्नाट व्यवस्था होती. मात्र आतमध्ये अपुरा उजेड व दमछाक होणारे वातावरण असल्याने मुली श्वास रोखून बसल्या होत्या. पोलिसांनी तातडीने त्यांची सुटका केली.
या कारवाईत २२ जणांना अटक झाली असून १२ तरुणींची सुटका करण्यात आली आहे. पोलिस उपायुक्त राहुल चव्हाण आणि सहाय्यक पोलीस आयुक्त गणपत पिंगळे यांच्या नेतृत्वाखाली ही धाड टाकण्यात आली. टारझन बारचे मालक रमण शेट्टी, सिद्धार्थ शेट्टी आणि पॅशियर मोहित चौरसिया यांनाही पोलिसांनी ताब्यात घेतले.
दरम्यान, तरुणींना अशा घुसमटलेल्या अवस्थेत लपवून ठेवणे म्हणजे जीवाला धोका निर्माण करणे असल्याने बारमालकांवर खुनाचा प्रयत्नाचा गुन्हा दाखल करण्यात आला आहे.
🔖 हॅशटॅग्स :
#मीरा_रोड #टारझनबार #बारबाला #पोलिसधाड #मुंबईवार्ता #रत्नागिरीवार्ताहर
📸 फोटो
Author: RV.Ratnagiri Office
रत्नागिरी वार्ताहर डिजिटल बातमी पत्र - एडिटर विभाग
