🚨 मुख्यालयातच ‘लाच’ घेताना अतिक्रमण उपायुक्त शंकर पाटोळे यांना अटक!
२५ लाखांची डील; ठाणे महापालिकेच्या वर्धापनदिनीच ACB ची धडक कारवाई, भ्रष्ट अधिकाऱ्यांचे धाबे दणाणले.
ठाणे : ठाणे महापालिकेच्या (TMC) अतिक्रमण विभागाचे उपायुक्त शंकर पाटोळे यांना २५ लाखांची लाच घेताना लाचलुचपत प्रतिबंधक विभागाने (ACB) रंगेहाथ पकडले आहे. महापालिकेच्या मुख्यालयातच ही कारवाई झाल्याने मोठी खळबळ उडाली आहे.
काय आहे प्रकरण?
- घोडबंदर रोडवरील अभिजित डेव्हलपर्सचे अभिजित कदम यांच्या बांधकामाजवळील अतिक्रमण हटवण्यासाठी उपायुक्त शंकर पाटोळे यांनी २५ लाख रुपयांची लाच मागितली होती.
- यामध्ये १० लाख रुपये आधीच घेतले होते, तर उर्वरित १५ लाख रुपये रोख घेताना पाटोळे यांना मुंबई एसीबीच्या पथकाने सापळा रचून अटक केली.
- कदम यांनी अतिक्रमण न काढल्याने मुंबई एसीबीकडे तक्रार दाखल केली होती.
महापालिकेच्या वर्धापनदिनी कारवाई
ज्या दिवशी ठाणे महापालिकेचा वर्धापनदिन साजरा होत होता, त्याच दिवशी ही धडक कारवाई झाल्यामुळे भ्रष्ट अधिकारी आणि कर्मचाऱ्यांचे धाबे दणाणले आहेत.
वादग्रस्त ऑडिओ क्लिपची चर्चा
या कारवाईच्या पार्श्वभूमीवर, दोन दिवसांपूर्वी व्हायरल झालेल्या एका वादग्रस्त ऑडिओ क्लिपची चर्चा पुन्हा सुरू झाली आहे. या क्लिपमध्ये एका माजी अधिकाऱ्याने शंकर पाटोळे यांच्यासह काही सेवेतील अधिकारी आणि शिंदे गटातील माजी नगरसेवकांची नावे घेतली होती. त्यामुळे बेकायदा बांधकाम प्रकरणात पालिका आणि राजकीय क्षेत्रातील आणखी काही मंडळी चौकशीच्या फेऱ्यात अडकण्याची शक्यता वर्तवली जात आहे.
#हॅशटॅग्स:
#ShankarPatole #TMCBribe #ठाणे_लाच_प्रकरण #ACBTrap #अतिक्रमण_उपायुक्त_अटक #ThaneNews #भ्रष्टाचार #ACBAction
Author: Ratnagiri Vartahar
⭕ मुख्य संपादक - सुजेंद्र सुर्वे , रत्नागिरी वार्ताहर *डिजीटल मिडिया बातमी पत्र* ◀️ Digital Media Creator's ▶️
