गुहागर तालुका महिला आघाडी संघटकपदी सौ.सिद्धी सुरज सुर्वे यांची नियुक्ती.
आमदार भास्कर शेठ जाधव यांनी दिले नियुक्ती पत्र , संघटने साठी काम करा आणि शिवसेना UBT पक्ष विस्तारासाठी महिलांना सामाऊन घ्या .
गुहागर: सुजित सुर्वे -पडवे .
आगामी येऊ घातलेल्या स्थानिक स्वराज्य निवडणुकांच्या पार्श्वभूमीवर गुहागर मतदार संघात शिवसेना UBT पक्षाची सघटनात्मक बांधणी सुरु असून.
शिवसेनेचे (उद्धव बाळासाहेब ठाकरे पक्ष) ज्येष्ठ नेते आणि चिपळूण-संगमेश्वर विधानसभा मतदारसंघाचे आमदार भास्कर जाधव यांनी गुहागर तालुका महिला आघाडीच्या संघटकपदी सौ. सिद्धी सुरज सुर्वे यांची अधिकृतपणे नियुक्ती केली आहे. १८ ऑक्टोबर २०२५ रोजी आमदार जाधव यांनी नियुक्तीपत्र देण्यात आले आहे.
आरेगाव, ता. गुहागर येथील रहिवासी असलेल्या सौ. सिद्धी सुरज सुर्वे यांना उद्देशून लिहिलेल्या या पत्रात, आमदार जाधव यांनी ‘जय महाराष्ट्र’सह सदिच्छा व्यक्त केल्या आहेत. या नियुक्तीद्वारे त्यांना पक्षाच्या ध्येय धोरणांना तळागाळापर्यंत पोहोचवण्याचे महत्त्वाचे काम सोपवले आहे.
महिलांपर्यंत पक्षाचे कार्य पोहोचवण्याचे निर्देश:
पक्षाने सौ. सिद्धी सुर्वे यांच्यावर मोठी जबाबदारी टाकली आहे. त्यांनी गुहागर तालुक्यातील अधिकाधिक महिलांपर्यंत पोहोचून त्यांच्या समस्या जाणून घेऊन त्या सोडवण्यासाठी प्रयत्न करावेत, असे पत्रात नमूद केले आहे. या माध्यमातून तालुक्यात पक्ष संघटना अधिक बळकट करण्याची अपेक्षा आमदार जाधव यांनी व्यक्त केली आहे.
आमदार जाधव यांनी शिवसेनाप्रमुख बाळासाहेब ठाकरे आणि पक्षप्रमुख उद्धवसाहेब ठाकरे यांच्या विचारांचा व ध्येय धोरणांचा उल्लेख करून, ते विचार तळागाळापर्यंत पोहोचवून पक्ष संघटन मजबूत करण्याचे महत्त्वपूर्ण कार्य त्यांच्या हातून घडावे, अशी अपेक्षा व्यक्त करण्यात आली आहे. तसेच त्यांना पुढील वाटचालीस शुभेच्छ्या हि दिल्या आहेत
राजकीय दृष्ट्या महत्त्वाच्या असलेल्या गुहागर तालुक्यात महिला आघाडीच्या माध्यमातून पक्ष विस्तारासाठी ही नियुक्ती महत्त्वपूर्ण मानली जात आहे.
सौ. सिद्धी सुर्वेव यांची या पदावर निवड होताच गुहागर शिवसेना समन्वयक विनायक काका मुळे, जिल्हाप्रमुख विक्रांत जाधव , तालुकाप्रमुख सचिन बाईत , पंचायत समिती सदस्य रवींद्र आंबेकर, सचिन जाधव,सुरज सुर्वे .वनिता डिंगणकर सह तालुक्यातील अनेक शिवसैनिकांनी त्यांना प्रत्यक्ष आणि सोशल मिडिया च्या माध्यमातून अभिनंदन केले आहे
Author: Sujit Surve.
⭕ सुजित सुर्वे -प्रतिनिधी - रत्नागिरी वार्ताहर डिजिटल बातमी पत्र ⭕ ⭕ पडवे - गुहागर. 415613 ⭕
