बारामतीत ‘क्रांती महिला बचत गट’ची स्थापना :
सावित्री महिला शक्तीकरण फाउंडेशनचा उपक्रम
बारामती – सावित्री महिला शक्तीकरण फाउंडेशन महाराष्ट्र राज्य, लोणी भापकर (सायबाचीवाडी), ता. बारामती, जि. पुणे यांच्या माध्यमातून बारामती तांबे नगर येथे नवीन बचत गटाची स्थापना करण्यात आली. दि. 5 नोव्हेंबर 2025 रोजी ‘क्रांती महिला बचत गट’ या नावाने हा गट सुरू झाला.
या फाउंडेशनचे
संस्थापक अध्यक्ष – राहुल जगन्नाथ भापकर (सायबाचीवाडी)
उपाध्यक्ष – अश्विनी मोरे (बारामती)
खजिनदार – रूपचंद्र गोलांडे (बारामती)
सचिव – माधुरी शितोळे (पुणे)
सदस्य – सुभाष खताळ (संगमनेर), अविनाश दिवेकर (कडेठाण-दौंड), अविनाश गोलांडे (बारामती)
फाउंडेशनच्या मार्गदर्शनातून स्थापन झालेल्या या महिला बचत गटाच्या अध्यक्षपदी सौ. स्वप्नाली बेलपत्रे, तर सचिवपदी नंदा रकटे यांची निवड करण्यात आली.
स्थापनेनंतर फाउंडेशनचे संस्थापक अध्यक्ष राहुल भापकर यांनी तांबे नगर येथे प्रत्यक्ष भेट देऊन क्रांती महिला बचत गटातील महिलांना मार्गदर्शन केले. बचत गट स्थापन केल्याने मिळणारे फायदे, आर्थिक शिस्त, सहकार्य, लघुउद्योग संधी, शासकीय योजनांचा लाभ इत्यादी विविध विषयांवर सविस्तर माहिती देत त्यांनी महिलांचे कौतुक केले.
या गटात सहभागी झालेल्या दहा महिलांनी—
स्वप्नाली बेलपत्रे, जयश्री ताम्हाणे, नंदा रकटे, उज्वला सादिगले, जयश्री राजगुरू, सुनिता वायदंडे, रंजना पवार, दिपाली मारवाडी, कमल भापकर, विजया मोरे —
एकत्र येऊन सामूहिक बचत आणि आर्थिक स्वावलंबनाचा पाया रचला आहे.
सावित्री महिला शक्तीकरण फाउंडेशनच्या पुढाकारामुळे तांबे नगर परिसरात महिलांमध्ये आर्थिक सक्षमीकरणाचा नवाच उत्साह निर्माण झाला आहे.
बातमी ~नंदकुमार बगाडे पाटील, अहिल्यानगर
Author: RV.Ratnagiri Office
रत्नागिरी वार्ताहर डिजिटल बातमी पत्र - एडिटर विभाग
