📰 साटवली सरपंच इरम बरमारे अपात्र; जातवैधता अवैध ठरल्याने जिल्हाधिकाऱ्यांचा धक्कादायक निर्णय

सामाजिक कार्यकर्ते जितेंद्र चव्हाणयांनी  ही याचा पाठपुरावा केला होता.

तहसीलदार लांजा यांचा विवाद अर्ज मंजूर • महाराष्ट्र ग्रामपंचायत अधिनियम 1959 कलम 30(1अ) अंतर्गत कारवाई

रत्नागिरी – साटवली ग्रामपंचायतीच्या सरपंचपदी निवडून आलेल्या श्रीमती इरम इरशादअली बरमारे यांना पदावरून अपात्र ठरविण्यात आले असून, त्यांच्या निवडीला भूतलक्षी प्रभावाने रद्द मानण्यात आले आहे. जिल्हाधिकारी एम. देवेंद्र सिंह यांनी 1 ऑक्टोबर 2025 रोजी दिलेला हा आदेश ग्रामपंचायत साटवली आणि लांजा तालुक्यात मोठ्या चर्चेचा विषय ठरत आहे.

हा आदेश तहसीलदार, लांजा यांनी दाखल केलेल्या विवाद अर्ज क्रमांक 11/2025 वर सुनावणी करून देण्यात आला. यावेळी सामाजिक कार्यकर्ते जितेंद्र चव्हाण आणि जागरूक ग्रामस्थानी ही याचा पाठपुरावा केला होता.

🔍 घडामोडींचा संपूर्ण आढावा

🔸 1) 18 नोव्हेंबर 2022 – सरपंचपदी निवड

साटवली ग्रामपंचायत सरपंच-उपसरपंच निवडणूक सभेत श्रीमती इरम बरमारे सरपंच म्हणून निवडून आल्या. सरपंच म्हणून कार्यरत राहण्यासाठी त्यांना कसाई-316 (इतर मागास वर्ग) या जातीचा वैध जातवैधता प्रमाणपत्र आवश्यक होते.

🔸 2) वैधता प्रमाणपत्र सादर न करणे

कायद्यानुसार, निवड जाहीर झाल्यानंतर 12 महिन्यांच्या आत जातवैधता प्रमाणपत्र सादर करणे आवश्यक असते. परंतु—

• त्यांनी पडताळणी समितीकडे अर्ज केल्याचा पुरावा उपलब्ध नाही,
• अर्जाची प्रत सादर केलेली नाही,
• तसेच “प्रमाणपत्र मिळाल्यावर देईन’’ असे हमीपत्र दिले असले तरी ते कायदेशीरदृष्ट्या ग्राह्य धरले गेले नाही.

यामुळे वैधता प्रमाणपत्र सादर करण्यात कसूर झाल्याचे नोंदवण्यात आले.

⚖️ जात पडताळणी समितीचा महत्वाचा अहवाल

सामाजिक न्याय विशेष सहाय्य विभाग, रत्नागिरी जिल्हा जात पडताळणी समिती यांच्याकडे संदर्भ क्रमांक
जि.प्र.प.स. रत्नागिरी/2024-25/290 दिनांक 28/02/2025 अन्वये तपासणी झाली.

समितीने दिलेले निष्कर्ष अत्यंत गंभीर आहेत:

✔️ समितीचा निर्णय:

1. इरम बरमारे “कसाई-316” (OBC) या जातीच्या नाहीत.
2. अर्जदार खोटे दावेदार (Pseudo Claimant) आहेत.
3. 02/02/2018 रोजी उपविभागीय अधिकारी, राजापूर यांनी जारी केलेले जात प्रमाणपत्र रद्द.
4. उपविभागीय अधिकाऱ्यांना मूळ प्रमाणपत्र जप्त करून नसती बंद (null and void) करण्याचे आदेश.

यामुळे त्यांचा जात दावा अवैध ठरला.

📑 तहसीलदारांचा अहवाल जिल्हाधिकाऱ्यांसमोर

तहसीलदार लांजा यांनी पत्र क्र. ग्रापनी / जातवैधता पडताळणी / कावी / 28 / 2025 दिनांक 15/04/2025 ने संपूर्ण अहवाल जिल्हाधिकाऱ्यांकडे पाठवला.

त्यात नमूद केल्याप्रमाणे—

• निवडणुकीनंतर आवश्यक कागदपत्रे सादर करण्यात त्रुटी,
• जातवैधता प्रस्ताव समितीकडून थेट अवैध ठरवला जाणे,
• कायदेशीर कालावधीत प्रमाणपत्र न सादर करणे,

या सर्वांचा विचार करून कारवाई अपेक्षित असल्याचे नमूद केले होते.

🧾 सुनावणी प्रक्रिया

विवाद अर्जदार (तहसीलदार) आणि सामनेवाले (इरम बरमारे) दोघांनाही—

• रीतसर नोटिसा बजावण्यात आल्या,
• तोंडी आणि लेखी मांडणीची संधी देण्यात आली,
• सर्व दस्तावेज, पुरावे व समिती अहवालांची पडताळणी करण्यात आली.

सर्व कागदपत्रांच्या आधारे इरम बरमारे अपात्र ठरतात या निष्कर्षावर जिल्हाधिकारी पोहोचले.

📌 जिल्हाधिकाऱ्यांचा अंतिम आदेश (1 ऑक्टोबर 2025)

1. तहसीलदार लांजा यांचा विवाद अर्ज मंजूर.
2. श्रीमती इरम इरशादअली बरमारे यांना साटवली ग्रामपंचायत सरपंच पदावरून अपात्र घोषित.
3. खर्चाबाबत कोणताही आदेश नाही.
4. निर्णय सर्व संबंधितांना कळविण्याचे आदेश.

📣 घटनाक्रमाचा परिणाम

✔️ साटवली ग्रामपंचायतीत सरपंचपद रिक्त झाले आहे.
✔️ पुढील कार्यवाही म्हणून नवीन सरपंच निवडीची प्रक्रिया सुरू होण्याची शक्यता.
✔️ गावात राजकीय हालचालींना वेग आला असून अनेक दावेदार सक्रिय झाले आहेत.
✔️ ही कारवाई OBC आरक्षणाच्या वैधतेसंदर्भात महत्त्वाचे उदाहरण ठरणार आहे.

बातमीदार – जितेंद्र चव्हाण ,लांजा 

Author: RV.Ratnagiri Office

रत्नागिरी वार्ताहर डिजिटल बातमी पत्र - एडिटर विभाग