काताळे ग्रामपंचायतीत RBI चा आर्थिक साक्षरता व ग्राहक शिक्षण अभियान : नागरिकांसाठी बहुमूल्य उपक्रम
गुहागर ~(सुजित सुर्वे)~
गुहागर तालुक्यातील ग्रामपंचायत काताळे कार्यक्षेत्रातील सर्व नागरिकांसाठी एक महत्त्वपूर्ण आणि उपयुक्त कार्यक्रम आयोजित करण्यात आला आहे. रिझर्व्ह बँक ऑफ इंडिया (RBI) बेलापूर, नवी मुंबई विभागाच्या वतीने आर्थिक साक्षरता आणि ग्राहक शिक्षण अभियान शनिवार, ६ डिसेंबर २०२५ रोजी सकाळी १०.३० वाजता ग्रामपंचायत काताळे येथे पार पडणार आहे.
या उपक्रमासाठी RBI बेलापूर येथील उप महाप्रबंधक, प्रबंधक आणि सहायक प्रबंधक स्वतः उपस्थित राहून मार्गदर्शन करणार आहेत. तसेच, या कार्यक्रमासाठी IDBI बँक, गुहागर शाखा समन्वयक बँक म्हणून कार्यरत आहे.
कार्यक्रमाचे मुख्य उद्दिष्ट विविध वित्तीय विषयांबद्दल जनजागृती करणे असून यामध्ये खालील मुद्द्यांवर विशेष भर दिला जाणार आहे—
“RBI कहता है” जनजागृती उपक्रम
सुरक्षित ऑनलाइन बँकिंगच्या पद्धती
वित्तीय नियोजनाचे महत्त्व
योग्य वित्तीय निर्णय घेण्यासाठी मार्गदर्शन
वाढत्या ऑनलाइन फसवणुकीपासून संरक्षण
सुरक्षित व जबाबदार बँकिंग व्यवहार
ग्रामपंचायत काताळे तसेच आजूबाजूच्या गावांतील सर्व मतदार, युवक-युवती, बचत गट प्रतिनिधी, शिक्षक, शासकीय कर्मचारी, अंगणवाडी सेविका, आशा सेविका, मदतनीस आणि सर्व नागरिकांनी या महत्त्वपूर्ण उपक्रमाचा लाभ घ्यावा, असे आवाहन सरपंच सौ. प्रियांका निलेश सुर्वे यांनी प्रसिद्ध पत्रकाद्वारे केले आहे.
नागरिकांच्या आर्थिक सबलीकरणासाठी हा कार्यक्रम अत्यंत उपयुक्त ठरणार असून मोठ्या संख्येने उपस्थित राहण्याचे आवाहन करण्यात आले आहे.
Author: RV.Ratnagiri Office
रत्नागिरी वार्ताहर डिजिटल बातमी पत्र - एडिटर विभाग
