रत्नागिरी ZP मध्ये हालचाल नोंदीच नाही! CEO यांच्या Movement Register नसल्याचे RTI मधून उघड

RTI उत्तरातून धक्कादायक खुलासा — वरिष्ठ अधिकाऱ्यांच्या दैनंदिन हालचालींचा कोणताही सरकारी रेकॉर्ड उपलब्ध नाही

—🗞 रत्नागिरी | प्रतिनिधी : निलेश रहाटे

रत्नागिरी जिल्हा परिषदेत (Zilla Parishad Ratnagiri) प्रशासकीय शिस्तीचा अभाव किती गंभीर स्तरावर पोहोचला आहे याचा धक्कादायक खुलासा माहिती अधिकार (RTI) मधून झाला आहे. जिल्हा परिषदेतील सर्वाधिक जबाबदारीच्या पदावर असलेले मुख्य कार्यकारी अधिकारी (CEO) यांच्या Movement Register किंवा दैनंदिनीचा नोंदवहीच उपलब्ध नसल्याची कबुली ZP प्रशासनाने स्वतः दिली आहे.

RTI कार्यकर्ता व पत्रकार निलेश रहाटे यांनी CEO यांची हालचाल नोंद वही व दैनंदिनीची प्रत मागितली होती. मात्र, नोंदवही अस्तित्वातच नसल्याचे उत्तर प्रशासनाकडून मिळाले. त्यामुळे जिल्हा परिषद प्रमुख अधिकाऱ्यांच्या दैनंदिन हालचाली, बैठका, शासकीय कामकाजाचा तपशील कोणत्याही दस्तऐवजात नोंदला जात नाही, हे उघड झाले.

📍 नियमांचे सरळ उल्लंघन?

🔻 महाराष्ट्र जिल्हा परिषद नियमांनुसार वरिष्ठ अधिकाऱ्याकडे Movement Register ठेवणे बंधनकारक

🔻 नोंदी न ठेवणे = RTI Act 2005, कलम 4(1)(a) चे उल्लंघन

🔻 अशा नोंदी हेतुपुरस्सर न राखणे IPC 166 व 167 अंतर्गत दंडनीय

प्रश्न गंभीर – CEO दिवसभर कुठे जातात याची माहितीच नाही!

जिल्ह्याच्या सर्वात महत्त्वाच्या प्रशासकीय पदावर असणाऱ्या अधिकाऱ्यांच्या हालचालींवर शासकीय दस्तऐवजच नसणे म्हणजे पारदर्शकतेवर आणि उत्तरदायित्वावर मोठा प्रश्नचिन्ह असल्याचे जाणकारांचे मत.

यामुळे काही महत्त्वाचे तथ्य लपवले जात आहेत का? ही शंका अधिक तीव्र होत आहे.

RTI अर्जदाराने ही बाब लोकायुक्त, आयुक्त, मानवाधिकार आयोगाकडे तक्रार देऊन चौकशीची मागणी करण्याचे संकेत दिले आहेत.

💡 संभाव्य परिणाम

जिल्हा परिषदेस जवाबदारी निश्चित करावी लागणार

चौकशीची मागणी मान्य झाल्यास अधिकाऱ्यांवर प्रशासकीय कारवाईची शक्यता

शासनाच्या नोंदी व्यवस्थापनावर प्रश्न उपस्थित

—

—

Author: RV.Ratnagiri Office

रत्नागिरी वार्ताहर डिजिटल बातमी पत्र - एडिटर विभाग