माध्यमिक विद्यालय वरवडे भागशाळा व श्रीमती पा.शं. बापट कनिष्ठ महाविद्यालय वाटद खंडाळा येथे क्रांतीज्योती सावित्रीबाई फुले जयंती उत्साहात साजरी.
रत्नागिरी:- निलेश रहाटे
खंडाळा. दि. ३ जानेवारी
वरवडे पंचक्रोशी शिक्षण प्रसारक मंडळ वरवडे संचलित माध्यमिक विद्यालय वरवडे भागशाळा व श्रीमती पा.शं. बापट कनिष्ठ महाविद्यालय वाटद खंडाळा येथे क्रांतीज्योती सावित्रीबाई फुले यांची जयंती ‘बालिका दिन’ म्हणून साजरी करण्यात आली. सर्वप्रथम विद्येची देवता सरस्वती, महान विभूती छत्रपती शिवाजी महाराज, डॉ.बाबासाहेब आंबेडकर, क्रांतीज्योती सावित्रीबाई फुले यांच्या प्रतिमेला मुख्याध्यापक श्री.शिवाजी जगताप,श्री.पर्यवेक्षक श्री.आनंद पाटील,ज्येष्ठ शिक्षक श्री.प्रल्हाद सरगर,सहाय्यक शिक्षिका सौ.मानसी खेडेकर,सौ.वृषाली गराडे यांच्या हस्ते पुष्पहार अर्पण करण्यात आले. प्रशालेतील रक्षिता काताळे,आर्या गोरे, संबोधी कांबळे,पूर्वा बारगुडे या विद्यार्थ्यांनी क्रांतीज्योती सावित्रीबाई फुले यांच्या जीवन व कार्याविषयी अतिशय सुंदर माहिती आपल्या मनोगतातून कथन केली.महाविद्यालयातील प्रयोगशाळा सहाय्यक श्री.नंदादीप जाधव यांनी सावित्रीबाई फुले यांच्या कार्याचा गौरव करणाऱ्या स्वरचित गीताचे गायन केले.
आजच्या कार्यक्रमाच्या प्रमुख मार्गदर्शक सौ.मानसी खेडेकर यांनी आपल्या ओघवत्या शैलीतून क्रांतीज्योती सावित्रीबाई फुले यांचा जीवन प्रवास सांगितला. त्यांनी सावित्रीबाई फुले यांचे शैक्षणिक,सामाजिक आणि आर्थिक क्षेत्रातील कार्य विद्यार्थ्यांना सांगितले. सावित्रीबाई फुले यांनी दिलेला वारसा पुढे नेण्याचे कार्य आपण सर्वांनी मिळून केले पाहिजे असा संदेश त्यांनी विद्यार्थ्यांना दिला.
प्रशालेचे मुख्याध्यापक श्री.शिवाजी जगताप यांनी शुभेच्छा पर मनोगत व्यक्त केले.या संपूर्ण कार्यक्रमाचे सूत्रसंचालन सांस्कृतिक विभाग प्रमुख श्री.प्रभाकर धोपट यांनी केले.
याप्रसंगी मुख्याध्यापक, शिक्षक,शिक्षकेत्तर कर्मचारी व विद्यार्थी उपस्थित होते.
Author: RV.Ratnagiri Office
रत्नागिरी वार्ताहर डिजिटल बातमी पत्र - एडिटर विभाग
