रत्नागिरी जिल्ह्यातर्फे संस्थापक अध्यक्ष सुभाष बसवेकर यांना सदिच्छा भेट
रत्नागिरी प्रतिनिधी :- निलेश रहाटे_
माहितीचा अधिकार चळवळीला बळकटी देण्याच्या उद्देशाने माहितीचा अधिकार कार्यकर्ता फेडरेशन महाराष्ट्र राज्य चे संस्थापक अध्यक्ष सुभाष बसवेकर यांना रत्नागिरी जिल्ह्यातर्फे सदिच्छा भेट देण्यात आली.
या प्रसंगी रत्नागिरी जिल्हाध्यक्ष मनोहर गुरव,रत्नागिरी जिल्हा मुख्य संपर्क प्रमुख निलेश रहाटे, संगमेश्वर तालुका उपाध्यक्ष सुनील करंडे, तसेच महिला विभागाच्या अध्यक्षा श्रीम. नसिरा काझी यांची प्रमुख उपस्थिती होती.
भेटीदरम्यान कोकण विभागातील तसेच रत्नागिरी जिल्ह्यातील विविध प्रश्नांवर सखोल चर्चा करण्यात आली. जिल्ह्यातील कामाचा आढावा घेऊन पदाधिकारी व कार्यकर्त्यांच्या मासिक अहवाल सादरीकरणाबाबत मार्गदर्शन करण्यात आले. प्रत्येक तालुक्यातील कामांचा अहवाल जिल्हा स्तरावर संकलित करून मुख्य कार्यालयात सादर करण्यावर भर देण्यात आला.
संस्थापक अध्यक्ष सुभाष बसवेकर यांनी संघटनेच्या कामकाजात सुसूत्रता व परिणामकारकता वाढविण्यासाठी आवश्यक ते मार्गदर्शन केले. उपस्थित पदाधिकाऱ्यांनी आपल्या अनुभवांसह अडचणी मांडल्या. जिल्ह्यातील कार्य अधिक सक्षम करण्यासाठी सर्वतोपरी सहकार्य करण्याचे आश्वासन यावेळी देण्यात आले.
यावेळी घाटीवळे येथील कार्यकर्ते मनोज कामेरकर यांच्यासह इतर पदाधिकारी व कार्यकर्ते उपस्थित होते.
Author: RV.Ratnagiri Office
रत्नागिरी वार्ताहर डिजिटल बातमी पत्र - एडिटर विभाग
