पाटपन्हाळे महाविद्यालयात छत्रपती शिवाजी महाराज जयंती उत्साहात साजरी
आबलोली (संदेश कदम)
गुहागर तालुक्यातील मध्यवर्ती ठिकाणी असलेल्या पाटपन्हाळे कला, वाणिज्य व विज्ञान महाविद्यालयात आय. क्यु. ए. सी. अंतर्गत सांस्कृतिक विभागाच्यावतीने महाविद्यालयाचे प्राचार्य डॉ. प्रमोद देसाई यांच्या अध्यक्षतेखाली कुळवाडीभूषण बहुजन प्रतिपालक श्री. छत्रपती शिवाजी महाराज यांची जयंती उत्साहात साजरी करण्यात आली.
यावेळी दापोली येथील प्रा. शेषराज तिरपुडे व महाविद्यालयाचे प्राचार्य डॉ. प्रमोद देसाई यांच्या हस्ते छत्रपती शिवाजी महाराज यांच्या पूर्णाकृती पुतळ्याला पुष्पमाला अर्पण करण्यात आली. उपस्थित विद्यार्थ्यांनी ‘स्वराज संस्थापक कुळवाडीभूषण बहुजन प्रतिपालक श्री. छत्रपती शिवाजी महाराज की जय’, ‘हरहर महादेव’, ‘जय भवानी जय शिवाजी’ अशा घोषणा देवून जयघोष केला.
यावेळी महाविद्यालयाचे प्राचार्य डॉ. प्रमोद देसाई यांनी छत्रपती शिवाजी महाराज यांच्या सामाजिक व राजकीय जीवन कार्याचा आढावा घेत असताना शिवाजी महाराज यांच्या मावळयां मध्ये हिंदू , मुस्लिम असे सर्व धर्माचे लोक होते असे सांगून थोडक्यात आढावा घेतला. उपस्थित प्राध्यापकवृंद व विद्यार्थी यांना छत्रपती शिवाजी महाराज जयंतीच्या हार्दिक शुभेच्छा दिल्या. महाविद्यालयाचा विद्यार्थी सचिव साहिल आग्रे याने आपल्या भाषणातून छत्रपती शिवाजी महाराज यांचा विचार, लढण्यातील गणिमीकावा, प्रजेची सुरक्षितता यातून विद्यार्थ्यांनी आदर्श घ्यावा असे सांगितले.
या कार्यक्रमाला सांस्कृतिक विभाग प्रमुख डॉ. जालिंदर जाधव, डॉ. प्रवीण सनये, प्रा. कांचन कदम, डॉ. सुभाष खोत, प्रा. लंकेश गजभिये, डॉ. दिनेश पारखे, प्रा. सुभाष घडशी, महाविद्यालयातील वरिष्ठ लिपिक मा. श्री. सुधीर टानकर, सौ. स्नेहल संसारे, ग्रंथालय परिचर श्री. परशुराम चव्हाण, श्री. संदिप चव्हाण, श्री. महेश झगडे व महाविद्यालयातील विद्यार्थी मोठ्या संख्येने उपस्थित होते.
सदर कार्यक्रमाचे सूत्रसंचालन सांस्कृतिक विभाग प्रमुख डॉ. जालिंदर जाधव यांनी केले तर उपस्थित मान्यवर व श्रोते यांचे आभार प्रा. कांचन कदम यांनी मानले.
Author: RV.Ratnagiri Office
रत्नागिरी वार्ताहर डिजिटल बातमी पत्र - एडिटर विभाग
