आबलोली येथील रक्तदान शिबिराला उत्स्फूर्त प्रतिसाद
निर्मल ग्रामपंचायत आबलोली आणि आरोग्य रुग्णालय रत्नागिरी यांचा स्तुत्य उपक्रम
आबलोली (संदेश कदम)
गुहागर तालुक्यातील आबलोली गावचे सुपूत्र आणि तंटामुक्ती समिती अध्यक्ष तसेच बौद्धजन सहकारी संघ तालुका गुहागर (रजि.) या संस्थेचे उपाध्यक्ष तसेच रक्तदानाची शतकपूर्ती साजरी करून अनेकांना रक्तदान करण्यास प्रेरणा देणारे विद्याधर राजाराम कदम तथा आप्पा कदम यांच्या वाढदिवसाचे औचित्य साधून आणि मुख्यमंत्री समृद्ध पंचायतराज अभियान तसेच “हिंद – दी – चादर अभियान”अंतर्गत निर्मल ग्रामपंचायत आबलोली आणि जिल्हा आरोग्य रुग्णालय रत्नागिरी यांच्या संयुक्त विद्यमाने गुहागर तालुक्यातील आबलोली येथील गारवा कृषी पर्यटन केंद्राचे मालकाने राष्ट्रपतींच्या हस्ते पुरस्कार प्राप्त प्रगतशील शेतकरी सचिन कारेकर यांच्या गारवा कृषी पर्यटन केंद्र आबलोली येथे भव्य दिव्य रक्तदान शिबिराचे आयोजन करण्यात आले होते या रक्तदान शिबिराला रक्तदात्यांनी उत्स्फूर्तपणे प्रतिसाद दिला आहे.
गारवा कृषी पर्यटन केंद्र येथे मान्यवरांच्या उपस्थितीत छत्रपती शिवाजी महाराज यांच्या प्रतिमेचे पूजन, दीप प्रज्वलन करून प्रतिमेला पुष्पहार अर्पण करण्यात आले त्यानंतर रक्तदान शिबिराला प्रारंभ करण्यात आला यावेळी निर्मल ग्रामपंचायत आबलोली सरपंच सौ. वैष्णवी वैभव नेटके, ग्रामपंचायत अधिकारी बाबुराव सूर्यवंशी, ग्रामपंचायत सदस्य सौ सौ. वृषाली वैद्य, सौ. पायल गोणबरे, यशवंत बागडे, अनंत पागडे, दत्ताराम कदम, पोलीस पाटील महेश भाटकर, माजी सरपंच महेंद्र (आप्पा)कदम, प्रमेय आर्यमाने, कृषी सहाय्यक बेले, दत्ताराम कदम, सचिन कारेकर यांचे सह जिल्हा रुग्णालय रत्नागिरीचे डॉ. आकाश पन्हाळे, डॉ. अथर्व बेंद्रे, सृजा पवार, मानसी भाटकर, जयश्री मॅथ्यू, प्रमोद चाटे, अमित जगताप ,संदीप वाडेकर, विश्वदीप कदम, योगेश भोसले,, विक्रांत पागडे, सुजय पवार, योगेश गोवळकर, सुमित पवार, सुशांत साळवी, मनीष कदम, नितीन मोहिते, वैभव निवाते, समीर शिंदे यांच्यासह अनेक रक्तदाते, ग्रामपंचायत सदस्य, ग्रामस्थ बहुसंख्येने उपस्थित होते.
Author: RV.Ratnagiri Office
रत्नागिरी वार्ताहर डिजिटल बातमी पत्र - एडिटर विभाग
