आदर्श शाळा तवसाळ तांबडवाडी ने शिक्षण प्रेणी Dj श्री सचिन कुळये यांचा सत्कार 
सोशल मीडियाच्या माध्यमातून शाळेच्या उपक्रमांना दिली नवी ओळख; महाराष्ट्र दिनी विशेष सन्मान
गुहागर – तवसाळ, प्रतिनिधी :
तालुक्यातील जिल्हा परिषद पूर्ण प्राथमिक आदर्श शाळा तवसाळ तांबडवाडी येथे शिक्षणप्रेमी व सोशल मीडिया प्रसार माध्यम क्षेत्रात सक्रिय असलेल्या DJ सचिन कुळये यांचा विशेष सत्कार करण्यात आला. शाळेशी असलेला त्यांचा जिव्हाळ्याचा ऋणानुबंध आणि गेल्या ९ ते १० वर्षांपासून शाळेच्या विविध उपक्रमांना दिलेले योगदान याबद्दल हा सन्मान करण्यात आला.
DJ सचिन कुळये यांनी शाळेतील कला, क्रीडा, सांस्कृतिक, शैक्षणिक आणि सामाजिक उपक्रमांची माहिती सातत्याने सोशल मीडियाच्या माध्यमातून समाजापर्यंत पोहोचवली आहे. फेसबुक, इन्स्टाग्राम आणि यूट्यूब चॅनेलच्या माध्यमातून त्यांनी शाळेच्या विविध कार्यक्रमांच्या बातम्या आणि माहिती प्रभावीपणे प्रसिद्ध करून शाळेचे नाव व्यापक स्तरावर पोहोचवले आहे.
महाराष्ट्र दिनानिमित्त आयोजित कार्यक्रमात शाळेचे मुख्याध्यापक श्री. अंकुर मोहिते, शाळा व्यवस्थापन समिती, ग्रामस्थ, पालक आणि विद्यार्थ्यांच्या उपस्थितीत हा सत्कार संपन्न झाला. शाळेच्या विविध अडचणी आणि उपक्रमांमध्ये त्यांनी वेळोवेळी दिलेल्या सहकार्याबद्दल कृतज्ञता व्यक्त करण्यात आली.
यावेळी उपस्थितांनी “धावत्या युगात शाळेच्या कार्याला प्रसिद्धी देणारे व्यक्तिमत्त्व दुर्मिळ असते. DJ सचिन कुळये यांनी केलेले कार्य प्रेरणादायी असून त्यांच्या कामामुळे शाळेला नवी ऊर्जा मिळाली आहे,” अशा भावना व्यक्त केल्या.
कार्यक्रमाच्या शेवटी उपस्थित पालक, ग्रामस्थ, विद्यार्थी व मान्यवरांचे आभार मानण्यात आले.
Author: Sujit Surve.
⭕ सुजित सुर्वे -प्रतिनिधी - रत्नागिरी वार्ताहर डिजिटल बातमी पत्र ⭕ ⭕ पडवे - गुहागर. 415613 ⭕
