गुहागर तालुकास्तरीय शिक्षक क्षमता वृद्धी प्रशिक्षणास शिक्षणाधिकारी बी एम कासार साहेब यांची भेट
गुहागर – रत्नागिरी जिल्हा शिक्षण व प्रशिक्षण संस्था रत्नागिरी आयोजित प्राथमिक माध्यमिक व उच्च माध्यमिक शिक्षकांकरिता असलेले गुहागर तालुकास्तरीय शिक्षक क्षमता वृद्धी प्रशिक्षण कार्यक्रमासाठी शिक्षणाधिकारी बीएम कासार साहेब यांनी भेट दिली.
त्यावेळी उपशिक्षणाधिकारी कडव साहेब ,कार्यक्रम अधिकारी कांबळे साहेब, गटशिक्षणाधिकारी रायचंद गळवे, शिक्षण विस्तार अधिकारी विश्वास खर्डे,, गुहागर तालुका शिक्षक संघटनेचे पदाधिकारी ,सर्व तज्ञ मार्गदर्शक व सर्व प्रशिक्षणार्थी उपस्थित होते.दिनांक 10 फेब्रुवारी 2025 ते 14 फेब्रुवारी 2025 या कालावधीमध्ये कनिष्ठ महाविद्यालय आबलोली येथे तालुकास्तरीय शिक्षक क्षमता वर्ती प्रशिक्षण अत्यंत उत्साह पूर्ण वातावरणामध्ये सुरू आहे .प्राथमिक शिक्षणाधिकारी बी एम कासार साहेब यांनी तीनही प्रशिक्षण केंद्रांना भेटी दिल्या व प्रशिक्षणार्थ्यांशी सुसंवाद साधला.त्यावेळी मार्गदर्शन करताना बी एम कासार साहेब म्हणाले राज्यस्तरावर अपेक्षित असल्याप्रमाणे पूर्ण क्षमतेने तालुक्यातील सर्व शिक्षक प्रशिक्षणार्थ्यांपर्यंत प्रशिक्षण पोहोचले पाहिजे.जागतिक स्तरावर विविध क्षेत्रात होणारे आमुलाग्र बदल ,नवनवीन संशोधनाचा विचार करता आव्हानांना सामोरे जाण्यासाठी विद्यार्थ्यांना सक्षम करणे ही काळाची गरज असून शिक्षकानी शिक्षण क्षेत्रात वाहून घेऊन गुणवत्ता विकासासाठी कार्यरत रहावे.
राष्ट्रीय शैक्षणिक धोरण 2020 नुसार प्रत्येक विद्यार्थ्याला जागतिक दर्जाचे शिक्षण मिळणे हे आपले ध्येय असून जागतिक विचार करणारे आणि जगाला दिशा देणारे नागरिक घडावेत यासाठी आपण कटिबद्ध राहायला हवे ,क्षमता आधारित अध्ययन व अध्यापन व मूल्यमापन व मूल्यांकन करून प्रशिक्षणाप्रमाणे यापुढे कार्यवाही व्हावी .
अतिशय शिस्तबद्ध रीतीने प्रशिक्षण सुरू असल्याबद्दल त्यांनी समाधान व्यक्त केले .त्यावेळी गुहागर तालुका प्राथमिक शिक्षक समन्वय समितीच्या वतीने आदरणीय शिक्षणाधिकारी बी एम कासार साहेब ,कार्यक्रम अधिकारी कांबळे साहेब, उपशिक्षणाधिकारी कडव साहेब यांचा शाल विचार पुष्प पुष्पगुच्छ देऊन सन्मान करण्यात आला .त्यावेळी प्राथमिक व माध्यमिक शिक्षक संघटनेचे पदाधिकारी व सर्व तज्ञ मार्गदर्शक तसेच विषय शिक्षिका मोहिते मॅडम उपस्थित होते.
Author: Team Ratnagiri Vartahar
Official Ratnagiri vartahar Media creators & RV News YouTube Channel.
