🔴 गुंतवणूकदारांची फसवणूक अखेर उघडकीस!
TWJ संचालक यांच्यावर गुन्हा दाखल
यवतमाळ :
शेअर बाजार गुंतवणुकीतून हमखास परताव्याचे आश्वासन देत गुंतवणूकदारांची फसवणूक करणाऱ्या TWJ Pvt. Ltd. कंपनीवर अखेर यवतमाळमध्ये गुन्हा दाखल झाला आहे. अवधूतवाडी पोलीस ठाण्यात दाखल झालेल्या FIR क्र. 1306/2025 अंतर्गत कंपनीचे संचालक समीर नार्वेकर व शाखा व्यवस्थापकाविरोधात भा.न्या.सं. 2023 चे कलम 316(2), 318(4), 3(5) तसेच महाराष्ट्र ठेवीदारांच्या हिताचे संरक्षण कायदा 1999 चे कलम 4 अन्वये कारवाई करण्यात आली आहे.
२०१९ पासून TWJ कंपनीने गुंतवणूकदारांकडून कोट्यवधी रुपये जमा करून आकर्षक परताव्याचे आश्वासन दिले. मात्र, गेल्या ८ महिन्यांपासून ना परतावा मिळाला ना मूळ रक्कम. याबाबत सिंगापूरमधून पैसे येणार असल्याचे सांगत संचालक समीर नार्वेकर गुंतवणूकदारांना खोट्या आशेवर ठेवत होता. अनेक वेळा तारखा देऊनही रक्कम परत न मिळाल्याने गुंतवणूकदारांचा संयम सुटला आणि तक्रार दाखल करण्यात आली.
या गुंतवणुकीत अनेक उच्चपदस्थ अधिकारी व तब्बल २३०० पेक्षा जास्त पोलीस कर्मचारी सामील असल्याचे समीर नार्वेकरनेच वारंवार सांगितले होते. कदाचित त्यामुळेच राज्यातील अनेक ठिकाणी गुन्हा दाखल होण्यास विलंब झाला. रत्नागिरीत चिपळूण व शहर पोलिसांकडे तक्रारी दाखल झाल्या असल्या तरी प्राथमिक चौकशीसुद्धा झाली नव्हती.
राज्यात TWJ च्या १६ शाखा असून सर्व संचालक, ब्रांच मॅनेजर व बिझनेस पार्टनर्स यांच्यावरही गुन्हे दाखल करण्याची प्रक्रिया सुरू असल्याची माहिती चौकशी अधिकाऱ्यांनी दिली आहे.
—
📌 हॅशटॅग्स
#TWJScam #YavatmalPolice #InvestmentFraud #समीरनार्वेकर #शेअरबाजारफसवणूक #MaharashtraNews #Ratnagiri
Author: RV. Reporters
Guhagar Office .. * Ratnagiri vartahar Digital News * ..
