शासनाच्या तिजोरीत खडखडाट सेवानिवृत्त शिक्षक निवृत्तीवेतन पासूनवंचित
कोल्हापूर— सेवानिवृत्त शिक्षकांना माहे सप्टेंबर चे निवृत्तीवेतन अद्याप मिळालेले नाही शासनाने सर्व शासकीय कर्मचारी व इतर सेवानिवृत्त यांचे निवृत्तीवेतन अनुदान सर्व जिल्हा परिषदांना 28 सप्टेंबरला पाठविले पण सेवानिवृत्त शिक्षकांचे निवृत्तीवेतन अनुदान अद्याप जिल्हा परिषदांना वितरित केले नाही
बरेचसे सेवानिवृत्त हे निवृत्तीवेतनावरच अवलंबून आसतात या उतार वयात त्याना औषधोपचारांसाठी पेन्शनची गरज असते खरे पहाता जेष्ठ सेवानिवृत्त म्हणून शासनाने प्रथम त्याना प्राधान्य देऊन त्यांचे निवृत्तीवेतन अनुदान अगोदर वितरित करणे आवश्यक आहे पण शासन नेहमीच जेष्ठ नागरिकांना दुय्यम स्थान देत आहे
महाराष्ट्र राज्य जिल्हा परिषद व पंचायत समिती अधिनियम 1961 च्या कलम 182 अन्वये जिल्हा परिषद कर्मचारी व सेवानिवृत्त कर्मचारी यांना वेतन निवृत्तीवेतन देणे राज्य शासनास बंधनकारक असतानाही सेवानिवृत्तांना वंचित ठेवले जात आहे तसेच भारतीय घटनेच्या कलम366 (17) अन्वये वेळेत शासकीय कर्मचारी व सेवानिवृत्त याना वेतन निवृत्तीवेतन देणे बंधनकारक आहे असे महाराष्ट्र राज्य जि.प.सेवानिवृत्त सेवानिवृत्त कर्मचारी संघटनेचे राज्याध्यक्ष सुबराव पवार कोल्हापूर यानी प्रसिद्धी पत्रात म्हटले आहे
Author: Yogesh Pedhambkar
योगेश पेढांबकर - रत्नागिरी वार्ताहर, चिपळूण-संगमेश्वर, डिजीटल मिडिया प्रतिनिधी
