रत्नागिरीत 27 ऑक्टोबरला जिल्हास्तरीय महिला लोकशाही दिन
दर महिन्याच्या तिसऱ्या सोमवारी होणारा कार्यक्रम या महिन्यात 27 ऑक्टोबर रोजी जिल्हाधिकारी कार्यालयात
रत्नागिरी (जिमाका) — जिल्हास्तरावर दर महिन्याच्या तिसऱ्या सोमवारी जिल्हाधिकारी कार्यालयाच्या सभागृहात जिल्हास्तरीय महिला लोकशाही दिन साजरा केला जातो. यानुसार माहे ऑक्टोबर 2025 चा महिला लोकशाही दिन सोमवार, 27 ऑक्टोबर 2025 रोजी सकाळी 11 ते दुपारी 1 या वेळेत आयोजित करण्यात आला आहे, अशी माहिती जिल्हा महिला व बाल विकास अधिकारी तथा सदस्य सचिव, जिल्हास्तरीय महिला लोकशाही दिन समिती यांनी दिली आहे.
या दिवशी अर्जदार महिला स्वतः उपस्थित राहून त्यांच्या तक्रारी व निवेदने सादर करू शकतात. यानुसार संबंधित विभागांच्या अधिकाऱ्यांना महिलांच्या वैयक्तिक तक्रारींवर आवश्यक कार्यवाही करण्याचे निर्देश दिले जातील. या उपक्रमाद्वारे महिलांना प्रशासनाशी थेट संवाद साधण्याची व त्यांच्या समस्या निवारणाची प्रभावी संधी मिळते.
हॅशटॅग्स:
#रत्नागिरी #महिलालोकशाहीदिन #महिलाविकास #RatnagiriNews #WomenEmpowerment
Author: RV. Reporters
Guhagar Office .. * Ratnagiri vartahar Digital News * ..
