मुंडेकर विमा सेवा आता आबलोली पंचक्रोशीत, आबलोली गावात मुंडेकर विमा कार्यालयाचे उदघाटन उत्साहात संपन्न
आबलोली(संदेश कदम)
गुहागर तालुक्यातील आबलोली पंचक्रोशी मधील गोर – गरीब जनतेला मुंडेकर विमा सेवा कार्यालयाचा लाभ मिळावा आणि मुंडेकर विमा सेवा जनतेसाठी उपलब्ध करुन देण्यासाठीच मुंडेकर विमा सेवा नावाने एलआयसीच्या सर्व सेवा एकाच छता खाली उपलब्ध झाल्या आहेत. गुहागर तालुक्यातील अतिशय ग्रामीण भागातील भातगाव गावातील तरुण तडफदार युवक धीरज भागा मुंडेकर या तरुणाने आपल्या गावी भातगाव मधून या व्यवसायाची मुहूर्तमेढ अनेक वर्षां पासून रोवली होती. त्याने उत्तम व्यवसाय आणि विश्वास याच्या जोरावर गुहागर तालुक्यातील अनेक गावात तो एलआयसीची सेवा देत आहे. या व्यवसायात काम करत असताना धीरज भागा मुंडेकर याला एलआयसीचा जागतिक स्तरावरील पुरस्कार एमडीआरटी हा किताब सलग तीन वर्ष पटकावला आहे. याचे सर्व श्रेय तो आपल्या विमाधारकांना देत आहे. ग्रामीण भागात आठशे ते हजार लोकांना विम्याची सेवा देत आहे. गुहागर तालुक्यातील आबलोली येथे बाजारपेठ येथे नुकतेच त्याच्या मुंडेकर विमा सेवा कार्यालयाचे उदघाटन धूमधडाक्यात त्याच्या आई- वडिलांच्या हस्ते उदघाटन करण्यात आले. या उदघाटन सोहळ्याला आबलोली गावच्या सरपंच सौ. वैष्णवी वैभव नेटके,आबलोली व्यापारी संघटना अध्यक्ष सचिनशेठ बाईत यांचेसह विमाधारक महिला – पुरुष बहुसंख्येने उपस्थित होते.
Author: RV.Ratnagiri Office
रत्नागिरी वार्ताहर डिजिटल बातमी पत्र - एडिटर विभाग
