लोकसहभागातून पूर्णगड गावात स्वच्छता अभियान यशस्वी संपन्न.
पी
रत्नागिरी- संदीप शेमणकर
श्रमिक किसान सेवा समिती संचालित, लोकनेते शामरावजी पेजे कला, वाणिज्य,विज्ञान महाविद्यालय शिवार आंबेरे अंतर्गत राष्ट्रीय सेवा योजना विभाग आयोजित दत्तक गाव पूर्णगड येथे स्वच्छता अभियान स्वयंसेवक ग्रामस्थ यांच्या माध्यमातून राबविण्यात आले.स्वच्छता अभियानाच्या कार्यक्रमांमध्ये ग्रामस्थांनी विशेष सहभाग नोंदवला. या कार्यक्रमांमध्ये उपेंद्र हरचकर, आशिष हरचकर सर्व महिला व ग्रामस्थ या सर्वांनी मिळून दत्तवाडी ते नवानगर स्वच्छता केली.दत्त जयंतीच्या निमित्ताने ही स्वच्छता अभियान राबवण्यात आले.राष्ट्रीय सेवा योजना विभागाच्या कार्यक्रम अधिकारी प्राध्यापिका कल्पना मेस्त्री,प्राध्यापक अमित पवार,प्राध्यापक नितीन वळवी,प्राध्या. अमोल गिरकर ,शिक्षकेतत्तर कर्मचारी गोवर्धन मोहिते यांनी सुद्धा या उपक्रमात सहभाग नोंदवला. पूर्णगड गावच्या प्रथम नागरिक माननीय श्रीमती सुहासिनी धानबा मॅडम यांनी देखील या अभियानात सहभाग नोंदवला.संपूर्ण अभियान राबवण्यासाठी महाविद्यालयाचे प्रभारी प्राचार्य प्रमोद वारीक यांनी प्रोत्साहन पर मार्गदर्शन करून स्वतः उपस्थिती दर्शविली.श्रमिक किसान सेवा समितीचे अध्यक्ष सुरेश भायजे,सचिव सन्माननीय प्राध्या.राजेश मोहिते,संस्थेचे सर्व पदाधिकारी यांनी शुभेच्छा व्यक्त केल्या.अभियान यशस्वी करण्यासाठी सर्व स्वयंसेवकांनी मोलाचे योगदान दिले.लोकरेवाडीतील ग्रामस्थांनी मनःपूर्वक सहकार्य करून सर्वांचा यथोचित सन्मान केला.लोकसहभागातून हे अभियान यशस्वीरित्या संपन्न झाले.
Author: RV.Ratnagiri Office
रत्नागिरी वार्ताहर डिजिटल बातमी पत्र - एडिटर विभाग
