उमदी एमआयडीसीला चालना : राज्य सरकार करणार थेट 2,000 एकर जमीन खरेदी! उद्योगमंत्री उदय सामंत यांचे आश्वासन
जत तालुका – जत तालुक्यातील उमदी येथे प्रस्तावित असलेल्या 2,000 एकरांच्या भव्य औद्योगिक वसाहतीला अखेर गती मिळाली आहे. उद्योगमंत्री डॉ. उदय सामंत यांच्या नागपूर येथील निवासस्थानी झालेल्या महत्त्वपूर्ण बैठकीत या प्रकल्पासंदर्भात ऐतिहासिक निर्णय घेण्यात आला आहे.
आतापर्यंत उद्योगपतींकडून जमीन खरेदी योजनेला अपेक्षित प्रतिसाद मिळत नसल्याने, थेट राज्य सरकारच जमीन खरेदी करणार असल्याचे जाहीर करण्यात आले. ‘पास–थ्रू’ मॉडेल रद्द करून एमआयडीसीमार्फतच सर्व २,००० एकर जमीन संपादित केली जाणार आहे.
बैठकीतील प्रमुख निर्णय
राज्य सरकारच थेट जमीन खरेदी करणार
‘पास-थ्रू’ निर्णय रद्द
एमआयडीसीमार्फत संपूर्ण 2,000 एकर जमीन संपादन
उच्चस्तरीय समितीद्वारे पुढील कार्यवाहीचा रोडमॅप निश्चित
बैठकीस आ. गोपीचंद पडळकर, आ. सदाभाऊ खोत, आ. किरण सामंत यांची उपस्थिती
आ. गोपीचंद पडळकर यांची प्रतिक्रिया
आ. पडळकर यांनी या निर्णयाबद्दल समाधान व्यक्त करताना म्हटले की,
“जत तालुक्यातील बेरोजगारी दूर करणे आणि तालुक्याला औद्योगिकदृष्ट्या सक्षम करणे हा माझा संकल्प आहे. उमदी एमआयडीसी हा भविष्यातील औद्योगिक हबचा पाया ठरेल.”
विकासाची नवी दृष्टी
उमदी एमआयडीसी प्रत्यक्षात आकार घेतल्यास जत तालुक्याची औद्योगिक क्षमता मोठ्या प्रमाणात वाढेल. रोजगारनिर्मिती, गुंतवणूक, पायाभूत सुविधा आणि स्थानिक अर्थव्यवस्थेला नवी दिशा देणारा हा प्रकल्प ठरणार आहे.
ही एमआयडीसी साकारल्यास जत तालुक्याच्या विकासाचा चेहरामोहरा बदलण्याची शक्यता अधिक वाढली आहे.
Author: RV.Ratnagiri Office
रत्नागिरी वार्ताहर डिजिटल बातमी पत्र - एडिटर विभाग
