लाचखोरीच्या गुन्ह्यात अटक केलेल्या उप अभियंत्याला जामीन मंजूर
▪️खेड जिल्हा व सत्र न्यायालयाने दिले आदेश
▪️ॲड. संकेत साळवी यांनी मांडली बाजू
गुहागर ~ वार्ताहर
– बांधकाम कामाचे देयक मंजूर करण्यासाठी सात हजार रुपयांची लाच घेताना गुहागर येथील जिल्हा परिषदेचा उप अभियंता (वर्ग-१) याला लाचलुचपत प्रतिबंधक विभागाच्या अधिकाऱ्यांनी रंगेहाथ पकडले होते. संजय तुळशीराम सळमाखे असे पकडलेल्या उप अभियंत्याचे नाव आहे. मंगळवार १६ डिसेंबर रोजी ही कारवाई करण्यात आली होती.
तक्रारदार हे एका बांधकाम ठेकेदाराकडे सुपरवायझर म्हणून काम करतात. ठेकेदाराने केलेल्या कामाचे प्रथम देयक तयार करण्यात आले होते. सदर देयकावर लोकसेवक संजय तुळशीराम सळमाखे यांची स्वाक्षरी आवश्यक होती. तक्रारदार यांनी १२ डिसेंबर रोजी देयकावर स्वाक्षरी घेण्यासाठी सळमाखे यांच्या कार्यालयात गेले असता, उप अभियंता सळमाखे यांनी देयकावर स्वाक्षरी करण्यासाठी तसेच देयकासोबत जोडलेल्या कामांच्या फोटोंवर स्वाक्षरी करण्यासाठी सात हजार रुपये लाचेची रकमेची मागणी केली. तक्रारदार यांनी याबाबत लाचलुचपत प्रतिबंधक विभागाकडे तक्रार नोंदवली होती.
मांगणी केलेली लाच रक्कम सात हजार रुपये उप अभियंता सळमाखे यांनी गुहागर येथील जिल्हा परिषद बांधकाम उपविभाग कार्यालयातील त्यांच्या दालनामध्ये तक्रारदार यांचेकडून स्विकारल्यानंतर, एसीबीच्या पथकाने त्यांना पंचासमक्ष ताब्यात घेतले.
काल साळमाखे याना चिपळूण सत्र न्यायालयात हजर केले असता त्याना एक दिवसाची पोलिस कोठडी देण्यात आली होती. आज दुपारी पुन्हा साळमखे यांना खेड जिल्हा व सत्र न्यायालयात हजर केले असता त्यांच्या वतीने प्रसिद्ध फौजदारी वकील ॲड. संकेत साळवी यांनी न्यायालयात युक्तिवाद केला. त्यांचा युक्तिवाद ग्राह्य मानून खेड न्यायालाने त्यांची २५,०००/- रुपयांच्या जामिनावर मुक्तात करण्याचे आदेश दिले. या केस मध्ये त्याना ॲड. अश्विन भोसले ॲड.अलंकार विखारे, ॲड. चिन्मय बोरकर अॅंड. सुप्रिया वाघधरे, ॲड. पूजा माळी यांनी सहकार्य केले.
Author: RV.Ratnagiri Office
रत्नागिरी वार्ताहर डिजिटल बातमी पत्र - एडिटर विभाग
