तळवली नं. १ शाळेत सावित्रीबाई फुले यांची १९४ वी जयंती उत्साहात साजरी
नवीमुंबई (मंगेश जाधव)
गुहागर तालुक्यातील जिल्हा परिषद मराठी शाळा तळवली नं. १ येथे राष्ट्रीय शिक्षिका, स्त्री शिक्षणाच्या जननी माता सावित्रीबाई फुले यांची १९४ वी जयंती मोठ्या उत्साहात साजरी करण्यात आली.
या कार्यक्रमाच्या सुरुवातीस सावित्रीबाई फुले यांच्या प्रतिमेला पुष्पहार अर्पण करून अभिवादन करण्यात आले. यावेळी त्यांच्या जीवनकार्याचा आढावा घेत विद्यार्थ्यांना स्त्री शिक्षणाचे महत्त्व, सामाजिक समानता, आत्मसन्मान आणि संघर्षाची प्रेरणा देण्यात आली. सावित्रीबाई फुले यांनी शिक्षणाच्या माध्यमातून समाजपरिवर्तन घडवून आणल्याचे वक्त्यांनी सांगितले.
कार्यक्रमात विद्यार्थ्यांनी भाषणे, कविता व विचारमंचाच्या माध्यमातून सावित्रीबाई फुले यांच्या कार्यावर प्रकाश टाकला. शिक्षकवर्गाने त्यांच्या विचारांचे महत्त्व आजच्या काळातही तितकेच लागू असल्याचे नमूद केले.
या उपक्रमामुळे विद्यार्थ्यांमध्ये सामाजिक जाणीव, शिक्षणाची आवड व स्त्री-पुरुष समानतेचा संदेश प्रभावीपणे पोहोचल्याचे मत उपस्थितांनी व्यक्त केले. कार्यक्रम यशस्वी होण्यासाठी शाळेतील शिक्षक, मुख्याध्यापक एकनाथ जावडे शिक्षिका दिपिका दबडे कर्मचारी व विद्यार्थ्यांनी परिश्रम घेतले.
Author: RV.Ratnagiri Office
रत्नागिरी वार्ताहर डिजिटल बातमी पत्र - एडिटर विभाग
