दुर्गेची कोंडवी क्रिकेट असोसिएशन आयोजित पंचक्रोशी चषक २०२६ उत्साहात संपन्न

दुर्गेची कोंडवी क्रिकेट असोसिएशन आयोजित पंचक्रोशी चषक २०२६ उत्साहात संपन्न

गुहागर | प्रतिनिधी

दुर्गेची कोंडवी क्रिकेट असोसिएशन, तालुका गुहागर यांच्या वतीने आयोजित पंचक्रोशी चषक २०२६ ही मानाची क्रिकेट स्पर्धा शनिवार दि. ३ जानेवारी व रविवार दि. ४ जानेवारी २०२६ रोजी विरार कोपरी मैदानावर मोठ्या उत्साहात पार पडली. दोन दिवस चाललेल्या या स्पर्धेत पंचक्रोशीतील तब्बल २४ संघांनी सहभाग नोंदवला होता.

स्पर्धेच्या चौथ्या पर्वाचे विजेतेपद गतविजेत्या साई इलेवन क्रिकेट संघ, आंबेरे यांनी पटकावले. स्पर्धेत प्रथमच सहभागी झालेला दत्तगुरु क्रिकेट संघ, कोळवली उपविजेता ठरला. तर रॉयल इलेवन, आवरे संघाने तृतीय आणि भैरी देवी क्रिकेट संघ, पाचेरी आगर यांनी चतुर्थ क्रमांक पटकावला.

वैयक्तिक पारितोषिकांमध्ये

• दिनेश दावडे – उत्कृष्ट गोलंदाज
• दिपेश घाणेकर – उत्कृष्ट फलंदाज
• जयदेव भुवड – उत्कृष्ट क्षेत्ररक्षक
• अभिषेक पाते – मालिकावीर (सुपरमॅन ऑफ द टूर्नामेंट)

ठरले.

स्पर्धेसाठी श्री. महेश नाटेकर, श्री. मिलिंद चाचे, श्री. संतोष जैतापकर, श्री. चंद्रकांत आलीम, श्री. संदीप खैर यांनी मोलाचे सहकार्य करत प्रमुख उपस्थिती लावली. तसेच चाकरमानी फेम कु. अवधूत मातली यांच्या सुमधुर वाणीतून सलग दोन दिवस रंगलेले समालोचन क्रिकेटप्रेमींसाठी विशेष आकर्षण ठरले.

या स्पर्धेचे यशस्वी आयोजन असोसिएशनचे अध्यक्ष श्री. अजित बादावटे यांच्यासह श्री. अविनाश माटल, श्री. रोशन जोशी, श्री. मंदार बादावटे, श्री. निलेश रामाणे, श्री. निलेश बारस्कर, श्री. राजेश भुवड, श्री. योगेश ठोंबरे, श्री. विनायक भुवड, श्री. दिपक हुमणे, श्री. सुनील भुवड, श्री. उत्तम अवेरे, श्री. अभिषेक पाते, श्री. बंदिश अवेरे तसेच अनेक क्रीडाप्रेमींनी अथक मेहनत व कल्पकतेतून केले. यावेळी माजी क्रिकेटपटूंनी उपस्थित राहून खेळाडूंचे मनोबल वाढवले.

शिवणे, असोरे, कोळवली, पाचेरी सडा, पाचेरी आगर, आंबेरे खुर्द, कुडली, माटलवाडी, आवरे, जांभारी, काताले आदी गावांतील खेळाडूंच्या सहभागातून २०१६ पासून कार्यरत असलेली दुर्गेची कोंडवी क्रिकेट असोसिएशन नवोदित खेळाडूंना प्रोत्साहन देणे, स्पर्धा व लीग सामने आयोजित करणे, तसेच सामाजिक उपक्रमांमध्ये सक्रिय सहभाग घेणे यासाठी ओळखली जाते. एकी, मैत्री आणि बंधुत्व जपणे हे या असोसिएशनचे वैशिष्ट्य असल्याचे यानिमित्ताने पुन्हा एकदा अधोरेखित झाले.

Author: RV.Ratnagiri Office

रत्नागिरी वार्ताहर डिजिटल बातमी पत्र - एडिटर विभाग