गुहागर मनसेतर्फे गुणवंत विद्यार्थ्यांचा सत्कार सोहळा उत्साहात संपन्न..!
आबलोली (संदेश कदम) – महाराष्ट्र नवनिर्माण सेना गुहागर तालुक्यातर्फे न्यू इंग्लिश स्कूल व कनिष्ठ महाविद्यालय पाटपन्हाळे विद्यालयातील शिष्यवृत्ती परीक्षा व नवोदय परीक्षेमधील गुणवंत विद्यार्थ्यांचा सत्कार सोहळा नुकताच मनसेच्या शृंगारतळी कार्यालयात उत्साहात संपन्न झाला.
गुहागर तालुक्यातील पाटपन्हाळे एज्युकेशन सोसायटी संचलित न्यू इंग्लिश स्कूल व कनिष्ठ महाविद्यालय पाटपन्हाळे विद्यालयातील इयत्ता पाचवी शिष्यवृत्तीधारक व गुणवंत विद्यार्थी कु.सिद्धार्थ अशोक पाष्टे व कुशल वैभवकुमार पवार तसेच इयत्ता सहावी साठी नवोदय परिक्षा निवड झालेला कुशल वैभवकुमार पवार , इयत्ता आठवी शिष्यवृत्ती गुणवत्ताधारक विद्यार्थीनी कु.समृद्धी सुरेश आंबेकर व मृण्मयी दत्ताराम जाधव तसेच ( एनएमएमएस ) राष्ट्रीय आर्थिक मागास विद्यार्थी शिष्यवृत्ती गुणवत्ताधारक विद्यार्थीनी मृण्मयी दत्ताराम जाधव या विद्यार्थ्यांचा महाराष्ट्र नवनिर्माण सेना गुहागर तालुक्यातर्फे गुहागर विधानसभा संपर्क प्रमुख प्रमोद गांधी यांच्या प्रमुख उपस्थितीत शाल , चषक व गुलाबपुष्प देऊन हा सत्कार सोहळा उत्साहात संपन्न झाला.
या सत्कार सोहळ्यासाठी उपजिल्हाध्यक्ष विनोद जानवळकर , गुहागर तालुकाध्यक्ष सुनील हळदणकर शेतकरी संघटना – मनसे तालुका अध्यक्ष प्रसाद कुष्टे , गुहागर शहराध्यक्ष नवनाथ साखरकर यांचेसह बहुसंख्येने पदाधिकारी उपस्थित होते. महाराष्ट्र नवनिर्माण सेना गुहागर तालुक्यातर्फे सत्कार केल्याबद्दल पाटपन्हाळे विद्यालयाचे मुख्याध्यापक व्ही.डी.पाटील , पर्यवेक्षक जी.डी.नेरले व शिक्षकवृंद तसेच गुणवंत विद्यार्थ्यांनी महाराष्ट्र नवनिर्माण सेना पदाधिकाऱ्यांचे आभार मानले.
Author: Sandesh Kadam
संदेश कदम, अबलोली. रत्नागिरी वार्ताहर. डिजिटल मिडिया गूहागर तालुका समन्वयक
