मंडणगड येथे अशोका विजयादशमी व ६८ वा धम्मचक्र प्रवर्तन सोहळा संपन्न….
तळवली (मंगेश जाधव)…..
बौद्ध समाज सेवा संघ तालुका मंडणगड या संस्थेच्या वतीने भारतरत्न डॉ.बाबासाहेब आंबेडकर स्मारक सभागृह मंडणगड येथे अशोका विजयादशमी व ६८ वा धम्मचक्र परिवर्तन दिन सोहळा तालुका अध्यक्ष राजेश गमरे यांच्या अध्यक्षतेखाली पार पाडला. यानिमित्ताने भूमिपुत्र नथुराम जाधव यांच्या महामाता रमाई पुस्तकाच्या ५ व्या आवृत्तीचे प्रकाशन करण्यात आले. त्याचप्रमाणे समाजातील गुणवंत विद्यार्थ्यांमध्ये प्रथम आलेल्या अनुष्का गमरे व आर्यन जाधव यांच्यासह सर्व गुणवंत विद्यार्थ्यांचे प्रमाणपत्र व पुस्तक देऊन सत्कार करण्यात आला. त्याचप्रमाणे भारत सरकार जलजीवन मिशन योजनेवर आधारित लघुपट स्पर्धेत प्रथम क्रमांक पटकावनाऱ्या लघुपटाची निर्मिती करणारे विधान पवार, अभिनेते अतुल पवार , सहाय्यक व्यवस्थापक आकाश पवार यांना सन्मानित करण्यात आले.
यावेळी अध्यक्ष राजेश गमरे, बिडिओ विशाल जाधव, दादासाहेब मर्चंडे, पो.निरीक्षक नितीन गवारे, नगरसेवक आदेश मर्चंडे रेश्मा मर्चंडे व हरेश मर्चंडे तसेच तालुक्यांतील रजनीकांत धोत्रे, प्रदीप तांबे, ज्ञानदेव खांबे, सुनिल गमरे, शांताराम पवार, लेखक किशोर कासारे, ऍड. मिलिंद लोखंडे, इत्यादी मान्यवरांसह संस्थेचे सर्वं पदाधिकारी, केंद्र पदाधिकारी तसेच बहुसंख्य सभासद महिला व विध्यार्थी उपस्थित होते.
कार्यक्रमाचे प्रास्ताविक ऍड. ज्ञानरत्न जाधव यांनी केले तसेच सूत्रसंचालन सुशांत पवार व श्रीकांत जाधव यांनी केले व मान्यवरांचे स्वागत सचिव मनोज मर्चंडे व किरण पवार यांनी केले आभार प्रदर्शन सुदर्शन गमरे यांनी केले.
Author: Mangesh Jadhav
मंगेश जाधव - तळवली रत्नागिरी वार्ताहर - डिजिटल मिडिया प्रतिनिधी.
