Maharashtra Cabinet Meeting : शिंदे सरकारचा धडाका, मंत्रिमंडळ बैठकीत घेतले १९ हून अधिक महत्वाचे निर्णय; मुंबईच्या पाच टोलनाक्यावर टोलमाफी
मुंबई – ( वार्ताहर) विधानसभा निवडणुकीच्या रणधुमाळीला कधीही सुरूवात होण्याची शक्यता आहे. याच्याआधी राज्यातील मुख्यमंत्री एकनाथ शिंदे यांच्या नेतृत्वातील महायुती सरकाने निर्णयांचा सपाटा लावला आहे. गेल्या आठवड्यात सलग दोन मंत्रिमंडळ बैठक घेऊन अनेक निर्णय घेण्यात आले होते. यानंतर सोमवारी (ता.१४) देखील मंत्रिमंडळ बैठकीत अनेक मोठे निर्णय घेण्यात आले. यात मुंबईच्या पाच टोलनाक्यावर हलक्या वाहनांना टोलमाफी देण्यासह आणखी एका महामंडळाच्या स्थापनेचा निर्णय घेण्यात आला आहे. तसेच पुणे मेट्रो टप्पा-२ बाबतही मोठा निर्णय घेण्यात आला आहे.
विधानसभेची आचारसंहिता लागू होण्याची शक्यता असल्याने मंत्रालयात हालचाली गतीमान झाल्या आहेत. तर मंत्रालयाबाहेर आपली कामे उरकण्यासाठी सर्वसामान्यांच्या लांबच्या लांब रांगा लागल्या आहेत. दरम्यान रविवारी सुट्टीच्या दिवशीदेखील मंत्रालयातील अधिकारी आणि कर्मचारी कामावर होते. तर सुट्टीच्या दिवशी सामाजिक न्याय विभागाने सात शासन निर्णय जारी केल्यानेच आता विधानसभा निवडणुकीची घोषणेची चर्चा सुरू आहे.
मंत्रिमंडळ बैठकीतील निर्णय पुढील प्रमाणे :
१) (सार्वजनिक बांधकाम)
२) आगरी समाजासाठी महामंडळ (सामाजिक न्याय)
३) समाजकार्य महाविद्यालयांमधील अध्यापकांना करिअर ॲडव्हान्समेंट स्किम (उच्च व तंत्रशिक्षण)
४) दमणगंगा एकदरे गोदावरी नदी जोड योजनेस मान्यता (जलसंपदा)
५) आष्टी उपसा सिंचन योजनेस सुधारित मान्यता (जलसंपदा)
६) वैजापूरच्या शनीदेवगाव बंधाऱ्यास प्रशासकीय मान्यता (जलसंपदा विभाग)
७) राज्य शेती महामंडळाची जमीन एमआयडीसीला हस्तांतरित (महसूल)
८) पाचपाखाडी येथील जमीन ठाणे मनपास प्रशासकीय भवनासाठी (महसूल)
९)खिडकाळी येथील जमीन हायब्रिड स्किल विद्यापीठासाठी विनामूल्य (महसूल)
१०) राज्यात प्रधानमंत्री आवास योजना (शहरी) २.० राबविणार
: ११) पुणे मेट्रो रेल टप्पा-२ मधील रेल्वे मार्गिंकांच्या कामांना मान्यता (नगर विकास)
१२) किल्लारीच्या शेतकरी सहकारी कारखान्याचे कर्ज व्याजासह माफ (सहकार)
१३) अडचणीतील सहकारी उपसा जलसिंचन योजनांचे थकीत कर्ज माफ (सहकार)
१४) मिरजच्या शासकीय वैद्यकीय महाविद्यालयात इमर्जन्सी मेडिसिनची ३ पदे (वैद्यकीय शिक्षण)
१५) खंड क्षमापित झालेल्या वैद्यकीय अधिकाऱ्यांना जुनी पेन्शन योजना (वैद्यकीय शिक्षण)
१६) मराठी भाषेविषयक जनजागृतीसाठी पंधरवडा (मराठी भाषा)
१७) अण्णासाहेब जावळे मराठवाडा विकास मंडळासाठी अभ्यासगट
१८) उमेदसाठी अभ्यासगट (ग्राम विकास)
१९) कौशल्य विद्यापीठास रतन टाटा यांचे नाव (कौशल्य विकास) देण्यास राज्य मंत्रिमंडळाच्या बैठकीत मंजुरी देण्यात आली आहे.
Author: Team Ratnagiri Vartahar
Official Ratnagiri vartahar Media creators & RV News YouTube Channel.
