मनसेचे गुहागर तालुका संपर्क अध्यक्ष प्रमोद गांधी यांच्या वतीने जानवळे येथे मोफत महा आरोग्य तपासणी शिबीर उत्साहात संपन्न.

मनसेचे गुहागर तालुका संपर्क अध्यक्ष प्रमोद गांधी यांच्या वतीने जानवळे येथे मोफत महा आरोग्य तपासणी शिबीर उत्साहात संपन्न.!

आबलोली (संदेश कदम)..

महाराष्ट्र नवनिर्माण सेना गुहागर तालुका संपर्क अध्यक्ष प्रमोद गांधी यांच्या वाढदिवसानिमित्त महाराष्ट्र नवनिर्माण सेना गुहागर विधानसभा क्षेत्र व अपरांत मल्टीस्पेशालिटी हॉस्पिटल चिपळूण यांच्या सहकार्याने मोफत महा आरोग्य तपासणी शिबीर गुहागर तालुक्यातील जानवळे शाळा नं. १ येथे उत्साहात संपन्न झाले.यावेळी जानवळे प्राथमिक शाळा नं.२ आणि जानवळे प्राथमिक शाळा नं. ३ येथे एकत्रित महा आरोग्य शिबिर उत्साहात संपन्न झाले. या महा आरोग्य तपासणी शिबिराचे उदघाटन जानवळे ग्रामपंचायत उपसरपंच सौ. वैभवी जानवळकर यांच्या शुभहस्ते फीत कापून,तालुकाध्यक्ष सुनील हळदणकर यांच्या हस्ते श्रीफळ वाढवून, उपजिल्हाध्यक्ष विनोद जानवळकर, शाळा व्यवस्थापन समिती अध्यक्ष संदीप कोंडविलकर व मुख्याध्यापक कैलास शार्दुल यांच्या हस्ते दीप प्रज्वलन करून उदघाटन करण्यात आले.या महाआरोग्य तपासणी शिबिरामध्ये ब्लड प्रेशर, पल्स, वजन उंची वाढणे, ऑक्सीजन चिकित्सा तपासणी, अस्थिरोग तपासणी, हृदयरोग तपासणी, दम लागणे,वजन वाढणे, उच्च रक्तदाब थायरॉईड, डोकेदुखी, गुडघेदुखी, पित्ताचा त्रास, मोफत मोतीबिंदू शस्त्रक्रिया, विद्यार्थ्यांसाठी ब्लड ग्रुप व आरोग्य शिबिर, नाक कान घसा व डोळे , रक्तगट यांचे मोफत आरोग्य तपासणी करण्यात आली. शिबिरा दरम्यान दर्जेदार चष्मे वितरित करण्यात आले. यासाठी सुरेंद्र ऑप्टिक्सचे प्रोप्रा. सुरेंद्र निकम यांचे सहकार्य मिळाले. या शिबिरासाठी मनसे उप जिल्हाध्यक्ष विनोद जानवळकर, तालुका अध्यक्ष सुनील हळदणकर , सह संपर्क अध्यक्ष सुरेंद्र निकम, उप तालुकाध्यक्ष जितेंद्र साळवी, जानवळे शाखाध्यक्ष सुशांत कोळंबेकर, जानवळे नं.१ मुख्याध्यापक कैलास शार्दुल,विजय शिंदे, प्रसन्न कोळंबेकर, आशा सेविका विजया शिंदे, निलेश गमरे, सचिन निकम अपरांत हॉस्पिटलचे डॉ. रजनीश रेडीज, माधवबाग आयुर्वेदाचार्य स्नेहल नांगरे, जनसंपर्क अधिकारी सचिन पोवळे आदी.मान्यवर उपस्थित होते. या महा आरोग्य शिबिरामध्ये जानवळे परिसरातील सर्व शाळा, तसेच तालुक्यातील बहूसंख्य नागरिकांनी याचा लाभ घेतला. या शिबिरासाठी गुहागर विधानसभा क्षेत्रातील सर्व पदाधिकारी व मनसे सैनिक यांनी सहकार्य केले.

——-*+++++++——

Join watsup group ???? 
https://chat.whatsapp.com/L2mwcucEQKdBtE5N3lmPrv

Author: Sandesh Kadam

संदेश कदम, अबलोली. रत्नागिरी वार्ताहर. डिजिटल मिडिया गूहागर तालुका समन्वयक